पुढील 72 तास महत्त्वाचे, पहलगाममधील हल्ल्यानंतर पंतप्रधान नरेंद्र मोदींचे सर्व दौरे रद्द, दहशतवाद्यांचा होणार खात्मा.

जम्मू काश्मीरच्या पहलगाममध्ये झालेल्या दहशतवादी हल्ल्यात पर्यटकांना लक्ष्य करण्यात आले, ज्यात धर्म विचारून गोळ्या झाडल्या गेल्या. या घटनेनंतर देशात संतापाचे वातावरण आहे. अमित शहा यांनी तातडीने जम्मू काश्मीरला भेट दिली असून, पंतप्रधान नरेंद्र मोदी यांनी तातडीने बैठक बोलावली आहे. पुढील ७२ तास महत्वाचे आहेत. जम्मू काश्मीरच्या अनंतनाग जिल्ह्यातील पहलगाममध्ये मंगळवारी दहशतवादी हल्ला पर्यटकांवर करण्यात आला. हेच नाही तर धर्म विचारून दहशतवाद्यांनी गोळ्या घातल्या. महिला आणि लहान मुलांसमोरच पुरूषांवर गोळीबार करण्यात आला. या हल्ल्यानंतर संपूर्ण देशात संतापाचे वातावरण आहे. या हल्ल्यादरम्यानचे काही व्हिडीओ हे सोशल मीडियावर व्हायरल होताना दिसत आहेत. यावरून हे स्पष्ट होतंय की, हा हल्ला किती जास्त भयानक होता. हल्ल्याची माहिती मिळताच अमित शहा हे तातडीने जम्मू काश्मीरकडे रवाना झाले. आज सकाळी हल्ल्यात जखमी झालेल्यांची त्यांनी भेट घेतली.

पंतप्रधान नरेंद्र मोदी आणि अमित शहा यांच्या उपस्थितीमध्ये दिल्लीत आज महत्वपूर्ण बैठक होणार आहे. त्यापूर्वीच दुपारी तीन तास तिन्ही सैन्यदलाच्या प्रमुखांची बैठक झालीये. दहशतवाद्यांची आता खैर नसल्याचे स्पष्ट होतेय पहलगामच्या दहशतवादी हल्ल्याबद्दल कळताच विदेशी दाैरा रद्द करून भारतात दाखल झाले. आता पंतप्रधान नरेंद्र मोदी पहलगामच्या प्रत्येक अपडेटवरून लक्ष ठेऊन आहेत.पुढील ७२ तास अत्यंत महत्वाचे आहेत. नरेंद्र मोदी यांनी २६ तारखेपर्यंतचे त्यांचे सर्व नियोजित कार्यक्रम रद्द केली आहेत. पंतप्रधान कार्यालयाकडून याबद्दलची माहिती ही देण्यात आलीये. पहलगाम हल्ल्यानंतर नेमके काय करायचे आणि दहशतवाद्यांच्या मुसक्या कशा आवळायच्या याबद्दल विविध बैठका सुरू आहेत. याच सर्व पार्श्वभूमीवर नरेंद्र मोदी यांनी त्यांचे २६ तारखेपर्यंतचे सर्व कार्यक्रम रद्द केली आहेत.विदेशातील दाैरा अर्धवट सोडून नरेंद्र मोदी हे काल रात्रीच भारतात दाखल झाले. अजिबात वेळ न घालता त्यांनी विमानतळावरच अधिकाऱ्यांची बैठक घेतली. या बैठकीला राष्ट्रीय सुरक्षा सल्लागार अजित डोवाल हे देखील उपस्थित होते. त्यानंतर त्यांनी संरक्षण मंत्री राजनाथ सिंह, तिन्ही सैन्यदलांचे प्रमुख आणि संरक्षण मंत्रालयाच्या उच्चपदस्थ अधिकाऱ्यांची बैठक घेतली. यामुळे पुढील ७२ तास अत्यंत महत्वाचे असणार आहेत.