आईचा फोन, संजयला गोळी लागलीय… डोंबिवलीतील आत्ते-मामे भावंडांवर पहलगाममध्ये तिहेरी घाला.

 “संजय लेले लहानाचा मोठा आमच्यासमोरच झाला. या सोसायटीत वाढला. अवघं आयुष्य डोंबिवलीत गेलं. माझ्या मुलाच्या वयाच्या असलेल्या संजयची बातमी पाहून आमच्याही पायाखालची जमीन सरकली”मध्ये ठाणे जिल्ह्यातील डोंबिवली पश्चिम येथील तीन पर्यटकांचा मृत्यू झाला. नवापाडा, पांडुरंग वाडी आणि नांदिवली परिसरात राहणाऱ्या हेमंत जोशी, संजय लेले आणि अतुल मोने या तिघांचा मृत्यू झाल्याची माहिती मिळाली आहे. संजय लेले यांच्या जिवलगांनी फेसबुकवरुन त्यांच्या आठवणी जागवल्या आहेत.कौशिक लेले यांनी फेसबुकवरुन पोस्ट शेअर करत भावना व्यक्त केल्या आहेत. “पहलगाम हल्ला… पर्यटकांवर हल्ला… मराठी पर्यटक… डोंबिवलीचे पर्यटक… नावे – संजय लेले, हेमंत जोशी, अतुल मोने… आईचा फोन, संजयला गोळी लागली आहे… एक एक बातमी, एकेक तपशील अधिकाधिक विदीर्ण करणारा. माझा चुलत भाऊ संजय, मित्र हेमंत आणि त्यांचा भाऊ… एकमेकांची आते-मामे-चुलत भावंड… एकाच कुटुंबावर तिहेरी घाला. काही शब्दच नाहीत पुढे लिहायला.” अशा भावना कौशिक लेले यांनी व्यक्त केल्या आहेत.

दरम्यान, डोंबिवलीमधील तिघाही जणांचे पार्थिव आज दुपारी दिल्ली विमानतळावरून डोंबिवलीसाठी रवाना होणार आहेत. साधारणतः दुपारी चार वाजेपर्यंत त्यांची पार्थिव डोंबिवली पश्चिमेला असलेल्या भागशाळा मैदान येथे येतील व पुढे अंत्यसंस्कारासाठी जातील.संजय लेले लहानाचा मोठा आमच्यासमोरच झाला. या सोसायटीत वाढला. अवघं आयुष्य डोंबिवलीत गेलं. माझ्या मुलाच्या वयाच्या असलेल्या संजयची बातमी पाहून आमच्याही पायाखालची जमीन सरकली. आमचे नेहमीचे घरातले कौटुंबिक संबंध होते, अशा भावना डोंबिवली येथील सोसायटीमधील के. डी उंडे यांनी व्यक्त केल्या आहेत. “तू जाताना मला सांगून नाही गेलास, मी काश्मीरला फिरायला चाललो आहे, काका लक्ष ठेवा आणि आज ही आम्ही धक्कादायक बातमी पाहिली, आम्हाला अजूनही या सगळ्यावरती विश्वास बसत नाही आहे” अशा भावना त्यांनी व्यक्त केल्या आहेत.दुसरीकडे, मृतांच्या नातेवाईकांना सर्व प्रकारची मदत तत्परतेने करण्यासाठी जिल्हा प्रशासन पूर्णतः कार्यरत आहे. या संपूर्ण परिस्थितीवर राज्याचे मुख्यमंत्री देवेंद्र फडणवीस, उपमुख्यमंत्री Eknath Shinde, उपमुख्यमंत्री Ajit Pawar, मुख्य सचिव सुजाता सौनिक, विभागीय आयुक्त डॉ.विजय सूर्यवंशी आणि जिल्हाधिकारी अशोक शिनगारे हे जातीने लक्ष ठेवून आहेत. त्यांनी मृतांच्या नातेवाईकांना आवश्यक ती सर्व मदत करण्याबाबत संबंधित यंत्रणांना सूचित केले आहे.