कुटुंबासह सुट्टीत वेळ घालवण्यासाठी अमेरिकेहून आला, पत्नी मुलासह काश्मीरला पोहचला अन्..

 जम्मू-काश्मीरमधील पहलगाम येथे पर्यटकांवर दहशतवादी हल्ला झाला त्यामुळे अख्खा देश हादरला आहे. बीतन हे अमेरिकेत नोकरी करत होते. सुट्टीत कुटुंबासह वेळ घालवण्यासाठी मायदेशी आले होते पत्नी मुलासह काश्मीरला गेले त्यावेळी आक्रित घडलेजम्मू-काश्मीरमधील पहलगाम येथे पर्यटकांवर दहशतवादी हल्ला झाला. या हल्ल्यात कोलकाता येथील 36 वर्षांचे बीतन अधिकारी यांचा मृत्यू झाला. बीतन हे अमेरिकेत नोकरी करत होते. ते पत्नी आणि मुलांसोबत वेळ घालवण्यासाठी भारतात परतले होते. 16 एप्रिल रोजी ते पत्नी सोहिनी आणि तीन वर्षांच्या मुलासोबत काश्मीरला फिरायला गेले होते. 24 एप्रिलला ते घरी परतणार होते. पण त्याआधीच त्यांच्या मृत्यूची बातमी आली. या घटनेमुळे परिसरात शोक पसरला आहे.बीतन हे कोलकातामधील पाटुली भागात राहत होते. त्यांच्या मृत्यूची बातमी ऐकून त्यांचे शेजारी आणि नातेवाईक दुःखी झाले आहेत.बीतन अधिकारी यांच्या चुलत भाऊ दीपक याने त्यांना काश्मीरला जाण्याचा सल्ला दिला होता. दीपक अधिकारी यांनी सांगितले की, बीतनच्या कुटुंबाला काही आर्थिक अडचणी होत्या.

त्यामुळे ते मानसिकदृष्ट्या त्रस्त होते. म्हणून दीपकने त्यांना काही दिवस सुट्टीवर जाण्याचा सल्ला दिला होता. बीतन 8 एप्रिल रोजी अमेरिका (USA) मधून कोलकाताला परतले होते. बंगाली नववर्षानिमित्त ते कुटुंबासोबत फिरायला गेले होते.बीतन 16 एप्रिल रोजी पत्नी आणि मुलासोबत काश्मीरला रवाना झाले. दीपकने सांगितले की, बीतनने त्यालाही सोबत येण्यास सांगितले होते. पण त्याने नकार दिला. टूरच्या दरम्यान जेव्हा बीतनला वेळ मिळत होता, तेव्हा तो दीपकशी बोलत होता. दीपक त्याला घोडेस्वारी न करण्याचा सल्ला दिला होता. काश्मीरला जाण्याचा सल्ला का दिला हाच प्रश्न आता दीपकला सतावत आहे. दीपक म्हणाला की “बघा आज काय झाले,?”श्चिम बंगाल सरकारचे मंत्री अरूप बिस्वास यांना काश्मीरमधील दहशतवादी हल्ल्याची माहिती मिळताच ते बीतन अधिकारी यांच्या घरी पोहोचले. त्यांनी कुटुंबीयांना शक्य ती मदत करण्याचे आश्वासन दिले. मुख्यमंत्री ममता बॅनर्जी यांनीही बीतन यांच्या पत्नीशी फोनवर बोलून सांत्वना दिली.मुख्यमंत्री ममता बॅनर्जी यांनी सोशल मीडियावर लिहिले, “जम्मू आणि काश्मीरमध्ये पर्यटकांवर झालेल्या भयंकर दहशतवादी हल्ल्यात मृत्युमुखी पडलेल्यांच्या कुटुंबियांबद्दल मी संवेदना व्यक्त करते. मृतांमध्ये बीतन अधिकारी हे पश्चिम बंगालचे आहेत. मी त्यांच्या पत्नीशी फोनवर बोलले आहे. दुःखाच्या या क्षणी त्यांना देण्यासाठी कोणतेही शब्द पुरेसे नाहीत, तरीही मी त्यांना आश्वासन दिले आहे की, माझे सरकार त्यांचे पार्थिव शरीर कोलकाता येथील त्यांच्या घरी परत आणण्यासाठी शक्य ते सर्व प्रयत्न करेल.” याचा अर्थ, या कठीण परिस्थितीत मी त्यांच्या सोबत आहे आणि त्यांना सर्वतोपरी मदत करेन.