अतिरक्तस्रावामुळे एनएमएमसी रुग्णालयात बाळंतिणीचा मृत्यू, रुग्णालयाने हलगर्जीपणा केल्याचा कुटुंबीयांचा आरोप.

कुटुंबातील सदस्यांच्या म्हणण्यानुसार, प्रसूतीनंतर लगेचच महिलेला जास्त रक्तस्त्राव होऊ लागला. इतका रक्तस्त्राव होत असतानाही रुग्णालयातील कर्मचाऱ्यांनी तातडीने कारवाई केली नाही. जेव्हा तपासणीसाठी रक्त घेण्याचा प्रयत्न केला तेव्हा असे आढळून आले की तिच्या शरीरात रक्ताचे प्रमाण कमी झाले होते. सायंकाळी ६ वाजता तिला रुग्णालयात नेण्यात आले आणि रात्री ८.३० वाजता तिने एका बाळाला जन्म दिला.नवी मुंबई महानगरपालिका (NMMC) रुग्णालयात एका ३२ वर्षीय गर्भवती महिलेचा बाळंतपणानंतर अवघ्या दोन तासांतच दुर्दैवी अंत झाल्याची घटना घडली आहे. संगीता खरात असे मृत महिलेचे नाव आहे. महिलेच्या कुटुंबियांनी या मृत्यूसाठी महापालिका रुग्णालयाला जबाबदार धरले आहे.कुटुंबातील सदस्यांच्या म्हणण्यानुसार, प्रसूतीनंतर लगेचच महिलेला जास्त रक्तस्त्राव होऊ लागला. इतका रक्तस्त्राव होत असतानाही रुग्णालयातील कर्मचाऱ्यांनी तातडीने कारवाई केली नाही.

जेव्हा तपासणीसाठी रक्त घेण्याचा प्रयत्न केला तेव्हा असे आढळून आले की तिच्या शरीरात रक्ताचे प्रमाण कमी झाले होते. सायंकाळी ६ वाजता तिला रुग्णालयात नेण्यात आले आणि रात्री ८.३० वाजता तिने एका बाळाला जन्म दिला. त्यानंतर तिच्या सामान्य प्रसूतीनंतर तिला टाके देण्यात आले आणि आम्हाला संशय आहे की टाके देताना काहीतरी चूक झाली ज्यामुळे रक्तस्त्राव झाला, असे संगिताच्या भावाने पुढे सांगितले.कुटुंबीयांनी आरोप केला आहे की, NMMC रुग्णालयातील डॉक्टरांनी तपासणीसाठी रक्त घेण्याचा प्रयत्न केला तेव्हा त्यांना तिची प्रकृती कळली. पण अतीरक्तस्त्राव झाल्याने आणि हृदयविकाराचा झटका आल्याने तिला तातडीने आपत्कालीन विभागात दाखल करण्यात आले. त्यानंतर तिला फोर्टीस रुग्णालयात रेफर करण्यात आले. शनिवारी तिच्यावर शस्त्रक्रिया होणार होती परंतु त्यापुर्वीच तिचा मृत्यू झाला, असे संगिताच्या भावाने सांगितले.

वाशी NMMC रुग्णालयातील डॉक्टरांवर निष्काळजीपणाचा आरोप करत, संगिताच्या मृत्यूनंतर कुटुंबीयांनी वाशी पोलिस ठाण्यात तक्रार दाखल केली आहे. “आम्ही शवविच्छेदन अहवाल आणि काही निष्काळजीपणा झाला आहे का हे तपासण्यासाठी तज्ञांच्या मताची वाट पाहत आहोत.” असे वाशी पोलिस ठाण्यातील एका पोलिस अधिकाऱ्याने सांगितले.संगिता खरात सानपाडा येथील एका ऑफिसमध्ये काम करत होती जिथे ती आणि तिचा भाऊ आरटीओशी संबंधित कामे करतात. दरम्यान, तिचा नवरा अग्निसुरक्षेच्या क्षेत्रात एका खाजगी कंपनीत कामाला आहे. आज त्यांच्या लग्नाचा पहिला वाढदिवस होता. त्यापूर्वीच तीचा दुर्दैवी अंत झाला आहे.