उशिरा येण्याचं कारण विचारलं, डॉक्टरांना राग अनावर, वृद्धाला बेदम मारहाण करत फरफटत रुग्णालयाबाहेर नेलं.

जिल्हा रुग्णालयात एका डॉक्टरने ७७ वर्षांच्या वृद्ध व्यक्तीला मारहाण केली आहे.मारहाण केल्यानंतर डॉक्टरच्या सांगण्यावरून २ लोकांनी मिळून त्या वृद्ध व्यक्तीला ओपीडीमधून फरफटत रुग्णालयाच्या बाहेर नेले.डॉक्टर हे देवाचे रूप असतात, असे म्हटले जाते. पण मध्य प्रदेशातील छतरपूर जिल्ह्यात एका डॉक्टरचा क्रूर चेहरा समोर आला आहे. छतरपूर जिल्हा रुग्णालयात एका डॉक्टरने ७७ वर्षांच्या वृद्ध व्यक्तीला मारहाण केली आहे.मारहाण केल्यानंतर डॉक्टरच्या सांगण्यावरून २ लोकांनी मिळून त्या वृद्ध व्यक्तीला ओपीडीमधून फरफटत रुग्णालयाच्या बाहेर नेले. तिथे नेऊन त्यांना जमिनीवर आदळले. या घटनेचा व्हिडिओ सोशल मीडियावर खूप व्हायरल होत आहे.ही घटना १७ एप्रिलची आहे. व्हिडिओमध्ये दिसत आहे की, दोन लोक एका ७७ वर्षांच्या वृद्ध व्यक्तीला फरफटत नेत आहेत.

माधव जोशी असे या वृद्ध व्यक्तीचे नाव आहे. ते नौगाव नगरचे रहिवासी आहेत. त्यांच्या पत्नीच्या पोटात दुखत असल्यामुळे ते तिला घेऊन जिल्हा रुग्णालयात उपचारासाठी आले होते.डॉक्टरांना दाखवण्यासाठी ते चेंबरच्या बाहेर लाईनमध्ये उभे होते.ड्युटीवरील डॉक्टर राजेश अग्रवाल खूप उशिरा आले.वृद्धाने डॉक्टरला उशिरा येण्याचे कारण विचारले. त्यामुळे डॉक्टरला राग आला. वृद्धाने आरोप केला आहे की, डॉक्टरने रागाच्या भरात आधी कागद फाडला आणि नंतर थेट त्यांच्या कानशिलात लगावली . त्यामुळे दोघांमध्ये वाद सुरू झाला.वृद्धाला काही समजायच्या आतच दोन लोकांनी त्याला रुग्णालयातून फरफटत बाहेर काढायला सुरुवात केली. ते त्या वृद्धाला कानशिलात लगावत बाहेर घेऊन गेले. व्हिडिओ व्हायरल झाल्यानंतर सोशल मीडियावर लोकांच्या तीव्र प्रतिक्रिया येत आहेत. इंडियन नॅशनल काँग्रेसने सुद्धा फेसबुक पेजवर हा व्हिडिओ पोस्ट करून भाजप आणि मुख्यमंत्री मोहन यादव यांच्यावर प्रश्न उपस्थित केले आहेत.मध्यप्रदेशचे उपमुख्यमंत्री राजेंद्र शुल्का यांनी या प्रकरणाची माहिती घेतली आणि त्या डॉक्टरला निलंबित केले आहे. त्याच्यासोबत इतर कर्मचाऱ्यांनाही निलंबित करण्यात आले आहे. ज्यामध्ये रुग्णालयाचे मुख्य अधीक्षक डॉ. जीएल अहिरवारही सामिल आहेत.