आपण गेम करणार आहोत; दुचाकीच्या वादातून दाजी-मेहुण्याचा जीव घेतला, मृत तरुणाची पत्नीच ताब्यात, महाराष्ट्रात खळबळ.

आसिफ आणि हिना यांची ओळख झाली. दोघांचे सूत जुळले. हिना खान हिला आपण गेम करणार आहोत अशी माहिती दिली होती, आरोपी आसिफ यांनी प्राथमिक चौकशी दरम्यान दिली.दुचाकी न मिळाल्याच्या कारणावरून बायजीपुरात साले व मेव्हण्याची हत्या करण्यात आली होती. या प्रकरणात मृत शेख सलमान यांची पत्नी हिना खान हिला ताब्यात घेण्यात आले आहे.बायजीपुऱ्यातील गंजे शहिदा मज्जिदीमागे एका घरासमोर झोपलेल्या शेख सलमान खान आणि त्याचा साला सुलतान या दोघांचा दगडाने ठेचून खून करण्यात आला होता. या प्रकरणात शेख आसिफ याला पोलिसांनी ताब्यात घेतले. शेख आसिफ याची चौकशी केली असता, या प्रकरणात हिना खान या महिलेचा समावेश असल्याची माहिती समोर आली. आरोपी शेख आसिफ याला कोर्टात हजर केले असता कोर्टाने आरोपीला २३ एप्रिलपर्यंत पोलिस कोठडीचे आदेश दिले.

शेख सलमान खान आणि पत्नी हिना या दोघांना तीन अपत्ये होते. मागील काही दिवसांपासून सलमान कामधंदा करत नव्हता. त्यामुळे दोघांमध्ये नेहमी खटके उडत होते. सलमान आणि अन्य आरोपी आसिफ यांची मैत्री होती. त्यामुळे आरोपी आसिफ याचे घरी येणे-जाणे सुरू होते. आसिफ हा सलमानला पैशांची देखील मदत करत होता.दरम्यान, आसिफ आणि हिना यांची ओळख झाली. दोघांचे सूत जुळले. हिना खान हिला आपण गेम करणार आहोत अशी माहिती दिली होती, आरोपी आसिफ यांनी प्राथमिक चौकशी दरम्यान दिली. अधिक चौकशीसाठी पोलिसांनी हिना खान हिला ताब्यात घेतले आहे.दुसरीकडे, राँग साइडने आलेल्या दुचाकीस्वाराने लहान मुलांना शाळेत घेऊन जाणाऱ्या दुचाकीस्वाराला धडक दिली. धडक दिल्यानंतर लहान मुलं असलेल्या दुचाकीस्वाराला शिवीगाळ करून तीन ते चार जणांनी मारहाण करून जीवे मारण्याची धमकी दिली. ही घटना १९ एप्रिल रोजी सकाळी सव्वा सातला छत्रपती संभाजीनगर येथील प्रताप चौकात घडली. मारहाण करणाऱ्या नाव चंदु कांबळे व त्याच्यासोबत अन्य दोन जणांच्या विरोधात एमआयडीसी वाळुज पोलिस ठाण्यात गुन्हा दाखल करण्यात आला आहे.या प्रकरणी रतन बाबासाहेब घुगे (वय ३०, रा. भुजंग वस्ती, यशनगर, जोगेश्वरी ) यांनी तक्रार दिली. ते दोन मुलांना शाळेत सोडण्यासाठी दुचाकीवरुन जात होते. दुसऱ्या दुचाकीस्वाराने घुगे यांच्या दुचाकीला धडक दिली. त्यानंतर वादावादी झाली. रतन घुगे यांच्या दुचाकीला धडक देणाऱ्या दुचाकीस्वाराने फोन करून दोन जणांना बोलावून घेतले. या तिघांनी रतन घूगे याला मारहाण केली मारहाण करणाऱ्या चंदु कांबळे व अन्य दोन जणांच्या विरोधात एमआयडीसी वाळूज पोलिस ठाण्यात गुन्हा दाखल करण्यात आला आहे. तपास सहाय्यक फौजदार जाधव करीत आहेत.