पुणे जिल्ह्यात काँग्रेसला सर्वात मोठा धक्का, संग्राम थोपटेंकडून राजीनामा, पुढचा प्लॅन काय?

पुणे जिल्ह्यातील काँग्रेसचे माजी आमदार संग्राम थोपटे यांनी प्रदेशाध्यक्ष हर्षवर्धन सपकाळ यांच्याकडे राजीनामा सोपवला आहे, ज्यामुळे राजकीय वर्तुळात खळबळ उडाली आहे. भाजपमध्ये प्रवेशाच्या चर्चेदरम्यान राजीनामा दिल्याने काँग्रेसला मोठा धक्का बसला आहे. थोपटे यांनी भोरमधील कार्यकर्त्यांचा मेळावा आयोजित केला असून, पुढील राजकीय दिशा ठरण्याची शक्यता आहे.गेल्या अनेक दिवसांपासून चर्चेत असलेले पुणे जिल्ह्यातील काँग्रेस पक्षाचे माजी आमदार संग्राम थोपटे यांनी आपला राजीनामा सोपवला आहे. थोपटे भाजपमध्ये प्रवेश करणार असल्याची चर्चा असतान त्यांनी आज राजीनामा दिला आहे. थोपटेंचा राजीनामा काँग्रेससाठी मोठा धक्का मानला जात आहे. Sangram Thopate यांनी काँग्रेस प्रदेशाध्यक्ष हर्षवर्धन सपकाळ यांना इमेल द्वारे पाठवला राजीनामा सोपवला आहे. त्यानंतर Bhor मधील सगळ्या काँग्रेस कार्यकर्त्यांना थोपटेंनी निमंत्रण दिलं असून रविवारी मेळावा होणार आहे. आता संग्राम थोपटे कय निर्णय घेतात याकडे सर्वांचं लक्ष लागलं आहे.

संग्राम थोपटे यांचे वडील भोर विधानसभा मतदारसंघातून 6 वेळा आमदार म्हणून विजयी झाले आहेत. अनंतराव थोपटे हे पुणे जिल्ह्यातील काँग्रेसचे ज्येष्ठ नेते महाराष्ट्राचे शिक्षणमंत्री राहिले आहेत त्यांनी तब्बल 14 वर्षे राज्याच्या मंत्रिमंडळात मंत्री म्हणून कार्यभार पाहिला आहे. अनंतराव थोपटेनंतर त्यांचे सुपुत्र संग्राम थोपटे हे त्याच भोर विधानसभा मतदारसंघातून सलग 3 वेळा आमदार राहिले आहेत. महाविकास आघाडी सरकार असताना नाना पटोले काँग्रसचे प्रदेशाध्यक्ष झाल्यावर रिक्त झालेल्या विभानसभा अध्यक्षपदासाठी त्यांच्या नावाची जोरदार चर्चा पाहायला मिळाली होती.संग्राम थोपटे यांच्या प्रमुख उपस्थितीत भोर तालुका काँग्रेस कमिटी, भोर तालुका महिला काँग्रेस कमिटी, भोर तालुका युवक काँग्रेस कमिटी, भोर शहर काँग्रेस कमिटी व सर्व सेलचे अध्यक्ष, सर्व उपाध्यक्ष तसेच पदाधिकारी, कार्यकर्ते, पुणे जिल्हा परिषद मा.सदस्य, भोर तालुका पंचायत समितीचे मा.सभापती, उपसभापती व सदस्य, राजगड सहकारी साखर कारखाना संचालक, भोर तालुका कृषी उत्पन्न बाजार समितीचे सभापती, उपसभापती सर्व संचालक, भोर तालुका खरेदी विक्री संघाचे चेअरमन, व्हा.चेअरमन सर्व संचालक, श्रीदत्त दिगंबर वाहतूक संघाचे चेअरमन, संचालक, भोर नगरपालिकेचे मा.नगराध्यक्षा, उपनगराध्यक्ष, सर्व नगरसेवक, गावोगावचे सरपंच, उपसरपंच यांच्या समवेत होणार महत्वाची बैठक रविवार २० तारखेला सकाळी ११:०० अंनतराव थोपटे महाविद्यालय फार्मसी हॉल येथे बैठक होणार आहे.