महाराष्ट्राचा मणिपूर होऊ देणार नाही; आदित्य ठाकरेंचा महायुतीवर घणाघात.

महाराष्ट्राला मणिपूर करण्याचा प्रयत्न सुरू असून, प्रवाहाविरुद्ध लढण्याकरिता वज्रमूठ एक करावी लागेल, असे आवाहनही त्यांनी शिवसैनिकांना केले.’फोडा, झोडा आणि राज्य करा ही ब्रिटिशांची नीती भाजपने अवलंबली आहे. गेंड्याचे नसेल अशा कातडीचे हे राक्षसी सरकार आहे. जेथे सत्तेत येतात, तेथे जाती-धर्मांमध्ये कलह सुरू झाले. येत्या काळात भाजप हिंदुत्वालाच अडचणीत आणेल’, असा दावा शिवसेना नेते व युवासेना प्रमुख आदित्य ठाकरे यांनी बुधवारी नाशिकमध्ये केला. महाराष्ट्राला मणिपूर करण्याचा प्रयत्न सुरू असून, प्रवाहाविरुद्ध लढण्याकरिता वज्रमूठ एक करावी लागेल, असे आवाहनही त्यांनी शिवसैनिकांना केले.जिल्ह्यातील शिवसैनिकांसाठी मनोहर गार्डन येथे आयोजित निर्धार शिबिरात ‘महाराष्ट्र चाललाय तरी कुठे? या विषयावर आदित्य ठाकरे बोलत होते.

महाराष्ट्राचा रोडमॅप ठरविण्यासह पक्षाची पुढील वाटचाल कशी असावी हे ठरविण्यासाठी हे निर्धार शिबिर असून, ते प्रत्येक जिल्ह्यांत घेणार असल्याचे त्यांनी जाहीर केले. महायुतीचे सरकार सत्तेत येऊन शंभर दिवस झाले. परंतु, या काळात त्यांनी एकही चांगली योजना आणली नाही. आहे त्या योजना बंद करण्याची तयारी मात्र सुरू आहे. हे निवडणूक आयोगाच्या आशीर्वादाने सत्तेत आलेले सरकार आहे, अशी टीका त्यांनी केली. ते म्हणाले, ‘निवडणुकीपूर्वी महायुतीने शेतकऱ्यांना कर्जमाफीचे आश्वासन दिले. राज्याचे कृषिमंत्री साखरपुडे जोरदार करण्यासाठी कर्जमाफी हवी का? असे विचारून शेतकऱ्यांची थट्टा करीत आहेत. यावेळी त्यांनी एकनाथ शिंदे यांच्यावरही टीका केली.

आदित्य ठाकरे यांचे स्वागत करण्यासाठी जिल्हाभरातून आलेल्या कार्यकर्त्यांची एकच गर्दी झाली. त्यामुळे मोठ्याने आवाज होऊन हे व्यासपीठ खचल्याने गोंधळ उडाला.उद्धव ठाकरे मुख्यमंत्री असताना शेतकऱ्यांना कर्जमाफी दिली
अवकाळी पाऊस पडतोय, पण अजून रुपयाची मदत दिली नाही राज्य लुटले जातेय याकडे लोकांचे दुर्लक्ष व्हावे याकरिता वेगवेगळे वाद निर्माण करण्याचा उद्योग वक्फ कायदा गरीब मुस्लिम बांधवांच्या फायद्याचा नाही ना अच्छे दिन आले, ना काळा पैसा भारतात आला भाजप सरकारच्या काळात दहापट अधिक भ्रष्टाचार वाढला नाशिकमध्ये लाडका कंत्राटदार योजना फडणवीस सर्वात अयशस्वी गृहमंत्री