बेटा, तू प्रॉमिस केलं आहेस… लेकीसाठी चिठ्ठी लिहून व्यावसायिकाचं टोकाचं पाऊल; परिसरात हळहळ.

छत्रपती संभाजीनगरमध्ये एका व्यावसायिकाने परिस्थितीला कंटाळून टोकाचं पाऊल उचललं असून या घटनेने परिसरात हळहळ व्यक्त होत आहे.नागपुरात एका व्यावसायिकाने टोकाचं पाऊल उचलल्याची धक्कादायक घटना समोर आली आहे. ‘मी खूप थकलो, अडचणींचा सामना करून कंटाळलो, तू प्रॉमिस केलं मेहनत करून ऑफिसर होणार आहेस. तुझ्या आईची काळजी घे, धन्यवाद! लवकर पुन्हा भेटू’, अशा आशयाचा मजकूर लिहून फायनान्स व्यावसायिकाने पाचव्या मजल्यावरून उडी घेऊन आत्महत्या केल्याची घटना घडली आहे. ही घटना गारखेडा परिसरातील सूतगिरणी चौकात घडली.

सुमेश सुरेश महाजन, वय ४५, रा. शारदाश्रम कॉलनी असं आत्महत्या केलेल्या व्यवसायिकाचं नाव आहे. याप्रकरणी पोलिसांनी दिलेल्या माहितीनुसार, सुमेश हे फायनान्स व्यवसायिक आहेत. ते कुटुंबासह शारदाश्रम कॉलनीत वास्तव्यास होते. सुमेश हे पत्नी, आई आणि मुलीसोबत राहत होते. सूतगिरणी चौकात त्यांचं फायनान्सचं कार्यालय आहे. गेल्या काही दिवसांपासून ते व्यवसायामुळे तणावत होते.

दरम्यान रविवारी १४ एप्रिल रोजी सुमेश हे बराच वेळ होऊन देखील रात्री घरी पोहोचले नाहीत. त्यामुळे कुटुंबियांनी सूतगिरणी चौकात असलेल्या कार्यालयात जाऊन त्यांचा शोध घेतला. कार्यालयात जाऊन पाहिलं असता त्यांचा मोबाईल आणि चावी देखील आढळून आली. तसंच पार्किंगमध्ये त्यांची चार चाकी देखील उभी होती. कार्यालयात जात नातेवाईकांनी गॅलरीतून खाली डोकावून बघितलं असता सुमेश खाली रक्तबंबाळ अवस्थेत आढळून आले. त्यांना तातडीने घाटी रुग्णालयात दाखल केलं, मात्र डॉक्टरांनी त्यांना तपासून मृत घोषित केलं.सुमेश महाजन यांच्या कार्यालयात एक सुसाईड नोट आढळून आली. ‘आयुषी तू माझी प्रिय मुलगी आहेस. मी खूप थकलो. सगळ्या अडचणींचा सामना करून कंटाळलो. बेटा तू आत्मविश्वासाने राहा, तू मला प्रॉमिस केलं, असून तू मेहनतीने ऑफिसर होणार आहे. तुझ्या आईची काळजी घे, धन्यवाद! लवकरच पुन्हा भेटू’, असा मजकूर त्या नोटमध्ये आढळून आला आहे. दरम्यान हस्ताक्षराची पोलीस तपासणी करणार असून पुढील तपास सुरू आहे.दरम्यान, राज्यभरात काही ना काही कारणांनी अनेकांनी आपल्या आयुष्याचा शेवट केल्याच्या घटना समोर आल्या आहेत. तरुण, तरुणींसह अनेकांनी आत्महत्या करत आपलं जीवन संपवल्याच्या अनेक घटना घडल्या आहे. अशाक नागपुरातील या व्यावसायिकाच्या आत्महत्येच्या घटनेने कुटुंबावर शोककळा पसरली असून परिसरात हळहळ व्यक्त होत आहे.