भावंडांनी खेळता खेळता घेतली थेट कालव्यात उडी, एका चिमुरड्याचा दुर्देवी अंत, दौंड तालुक्यातील घटना.

दौंड तालुक्यातील सहजपूर येथे कालव्यात खेळताना उडी मारल्याने एका तीन वर्षीय बालकाचा दुर्दैवी मृत्यू झाला. आसिम मुजावर असे त्याचे नाव आहे. इतर दोन भावंडांना वाचवण्यात यश आले. शेजारील महिलेने आरडाओरड केल्याने निलेश खोमणे यांनी तत्परता दाखवत दोघांना कालव्यातून बाहेर काढले. मात्र, आसिमला वाचवता आले नाही. या घटनेने परिसरात शोककळा पसरली आहे.दौंड तालुक्यातील सहजपुर येथून एक अतिशय धक्कादायक अशी घटना पुढे येताना दिसतंय. खेळता खेळता कालव्यात उडी मारल्याने एका चिमुकल्याचा मृत्यू झालाय. तीन चिमुकले कालव्या शेजारी खेळत होते. मात्र, तिघांनीही अचानक काव्यात उड्या घेतल्या. ही घटना शेजारी राहत असलेल्या महिलेच्या लक्षात आली आणि तिने आरडाओरड केली. यादरम्यान दोन जणांना वाचवण्यात यश आले. मात्र, एका चिमुकल्याचा जीव गेला.

ही घटना दौंड तालुक्यातील सहजपुर येथील माकरवस्ती परिसरात सकाळी घडली. आसिम जावेद मुजावर (वय ३) असे कालव्यात बुडून मृत पावलेल्या चिमुकल्याचे नाव आहे. महेक जावेद मुजावर (वय ७) आणि रूहान जावेद मुजावर (वय ५) अशी दोन वाचलेल्या भावंडांची नावे आहेत. महेक आणि रूहान यांना वाचवण्यात यश आले. मात्र, आसिम याला वाचवण्यात यश मिळाले नाही.मुजावर कुटुंब सहजपुर येथील माकरवस्ती कालव्याच्या बाजूलाच राहते. सकाळी तिन्ही भावंडे कालव्याच्या शेजारी खेळत होती. मात्र, तिघांनीही अचानक कालव्यात उड्या मारल्या. शेजारी राहत असलेल्या महिलेच्या लक्षात ही बाब आली. महिलेचा आवाज ऐकून निलेश खोमणे हे धावून आले आणि त्यांनी पळत जाऊन कालव्यातून दोघांना अजिबात वेळ वाया न घालता सुरक्षित काढले. मात्र, यादरम्यान आसिम हा पाण्यात बुडाला होता.आसिमचा काही वेळ लोकांनी कालव्यात शोध घेतला आणि त्याला देखील पाण्यातून काढण्यात आले आणि दवाखान्यात दाखल करण्यात आले. मात्र, पाण्यात बुडून त्याचा मृत्यू झाला होता. डॉक्टरांनी त्याला मृत घोषिक केले. या घटनेनंतर सर्वांनाच मोठा धक्का बसलाय. महेक आणि रूहान यांची तब्येत चांगली असल्याचीही माहिती मिळतंय. या घटनेनंतर लोक निलेश खोमणे यांचे काैतुक करत आहेत. त्यांनी तत्काळ दोन मुलांना कालव्यातून बाहेर काढल्याने मोठा अनर्थ टळला आहे.