शिवसेनेच्या संघटनेत बदल होणार ?Aditya Thackeray यांच्या निष्ठावंतांना मिळणार संधी!

आदित्य ठाकरेंच्या जवळच्या एका नेत्याचे म्हणणे आहे की, संघटनेतील शाखा प्रमुख, विभाग प्रमुख अशा महत्त्वाच्या पदांवर नवीन आणि तरुण चेहरे आणले जातील, जे आदित्य ठाकरेंशी एकनिष्ठ असतील किंवा त्यांच्या पसंतीचे असतील. ठाकरे कुटुंबाची इच्छा आहे की आगामी मुंबई महानगरपालिकेच्या निवडणुका आदित्य ठाकरे यांच्या नेतृत्वाखाली लढवाव्यात.उद्धव ठाकरे यांच्या शिवसेनेत आदित्य ठाकरे यांची पकड मजबूत करण्यासाठी संघटनेत मोठे बदल होण्याची शक्यता आहे. यामुळे पक्षाच्या वरिष्ठ नेत्यांवर धोक्याची टांगती तलवार आहे. दुसरीकडे, पक्षातील कलह आणखी वाढला आहे. छत्रपती संभाजीनगर मधील पक्षाचे माजी खासदार चंद्रकांत खैरे आणि विधान परिषदेतील विरोधी पक्षनेते अंबादास दानवे यांच्यातील वाद आणखी वाढल्याचे पहायला मिळत आहे. मुंबई आणि राज्यातील इतर भागातील शिवसैनिक(उद्धव बाळासाहेब ठाकरे) एक एक करून सेनेला ‘जय महाराष्ट्र’ करत आहेत. मुंबईतील ठाकरे सेनेच्या अर्ध्याहून अधिक माजी नगरसेवकांनी पक्ष सोडला आहे.

आदित्य ठाकरेंनी पक्षाची जास्तीत जास्त जबाबदारी सांभाळावी असे मनसुबे ठाकरे कुटुंबाचे असल्याने आदित्य ठाकरेंची पक्षावरील पकड मजबूत कराण्साठी प्रथम संघटनेत बदल करावे लागतील.आदित्य ठाकरेंच्या जवळच्या एका नेत्याचे म्हणणे आहे की, संघटनेतील शाखा प्रमुख, विभाग प्रमुख अशा महत्त्वाच्या पदांवर नवीन आणि तरुण चेहरे आणले जातील, जे आदित्य ठाकरेंशी एकनिष्ठ असतील किंवा त्यांच्या पसंतीचे असतील. ठाकरे कुटुंबाची इच्छा आहे की आगामी मुंबई महानगरपालिकेच्या निवडणुका आदित्य ठाकरे यांच्या नेतृत्वाखाली लढवाव्यात. लालबागचा राजा मंडळाचे सचिव सुधीर साळवी यांना थेट पक्षाचे सचिव बनवण्यात आले.उद्धव ठाकरे म्हणतात की आता आमचे लक्ष मुंबई महानगरपालिकेवर आहे. मुंबईतील लालबाग, परळ आणि वरळीसारख्या भागात आमचे कट्टर शिवसैनिक आहेत. आपण सर्वजण एकत्र आहोत.

आपल्यावर येणारे संकट फक्त शिवसेनेवर नाही, तर महाराष्ट्र, मुंबई आणि मराठी अस्मितेवर आहे. आपण हे एकत्रितपणे संपवू. मला पूर्ण विश्वास आहे की सामान्य माणूस आपल्यासोबत आहे. असेही ते म्हणाले.दुसरीकडे, माजी खासदार चंद्रकांत खैरे यांनी सोमवारी(१४ एप्रिल) पक्षाचे नेते अंबादास दानवे यांच्यावर निशाणा साधला. गेल्या वर्षी छत्रपती संभाजीनगर लोकसभा मतदारसंघातून झालेल्या पराभवाला दानवे जबाबदार असल्याचे खैरे म्हणाले. खैरे यांनी उद्धव ठाकरे यांच्याकडे दानवेंबद्दल दोनदा तक्रार केली पण ठाकरेंनी कोणताही निर्णय घेतला नाही. एप्रिल-मे २०२४ मध्ये झालेल्या लोकसभा निवडणुकीत त्यांच्याशी सल्लामसलत न करता तिकिटे वाटण्यात आली आणि सहा महिन्यांनंतर झालेल्या विधानसभा निवडणुकीत छत्रपती संभाजीनगर जिल्ह्यात पक्षाचा एकही उमेदवार जिंकला नाही, असा दावा त्यांनी केला. खैरे यांच्या आरोपांवर अंबादास दानवे म्हणाले की, माजी खासदार चंद्रकांत खैरे हे एक ज्येष्ठ नेते आहेत. आणि त्यांना कोणतीही कारवाई करण्याचे स्वातंत्र्य आहे.