धक्कादायक! दारूच्या नशेत दिग्दर्शकाने निष्पापांवर चढवली गाडी, १ ठार ८ जखमी, सोबतच्या महिलेचा पळायचा प्रयत्न पण…

कोलकाता येथे दिग्दर्शकाने दारू पिऊन रस्त्यावरील माणसांवर गाडी चढवली आहे. त्यामुळे तिथे एकाचा मृत्यू तर ८ जण जखमी झाले आहेत.मुंबई- कोलकातामधून एक धक्कादायक घटना समोर आली आहे. बंगाली चित्रपट आणि टीव्ही मालिका दिग्दर्शक सिद्धांत दास याने दारू पिऊन गर्दीत गाडी घुसवली, ज्यामुळे जीवितहानी आणि गाडीचेही मोठे नुकसान झाले आहे. सिद्धांत दासच्या गाडीच्या टक्करमुळे एका व्यक्तीचा मृत्यू झाला तर ८ जण गंभीर जखमी झाले आहेत. या घटनेबद्दल बोलायचे झाले तर, ही घटना पश्चिम बंगालमधील ठाकूरपुकुर येथे घडली. अपघातानंतर तिथे उपस्थित असलेले लोक खूप संतप्त झाले होते. लोकांनी सिद्धांतला मारहाण केली तसेच तर त्याच्या गाडीची तोडफोडही केली.या दुर्दैवी अपघातानंतर स्थानिक लोकांचा संताप रस्त्यावर दिसून येत होता. अनेकांनी गाडी चालवणाऱ्या सिने दिग्दर्शकाला मारहाण केली.

त्यानंतर पोलिसांनी येऊन दिग्दर्शकाला संतप्त जमावातून बाजूला काढले आणि त्याला ताब्यातही घेतले. याशिवाय गाडीत दिग्दर्शकाच्या मागे एक महिलाही बसली होती. पण अपघातानंतर ती महिला गाडीतून उतरली आणि पळून गेली. नंतर पोलिसांनी महिलेला ताब्यात घेतले.तिथल्या स्थानिकांनी सांगितले की ठाकूरपुकुर हा खूप वर्दळीचा विभाग आहे. या मार्गावर अपघात होण्याची शक्यता जास्त असते. एका व्यक्तीने सांगितले की, गाडीच्या मागच्या सीटवर बसलेल्या महिलेने दिग्दर्शकाला चिथावणी दिली, त्यानंतर ही घटना घडली.

त्याच वेळी, अनेक लोकांचा असाही दावा होता की असे अपघात काही नवीन नाहीत आणि प्रशासनाच्या निष्काळजीपणामुळे ते बरेचदा इथे घडत असतात. एका व्यक्तीने सांगितले की रविवार असल्याने या परिसरात खूप गर्दी होती. पण गर्दी नियंत्रित करण्यासाठी कोणताही पोलिस तिथे तैनात नव्हता. जर पोलिस तिथे असते आणि गर्दीवर नियंत्रण ठेवले असते तर हे घडले नसते आणि इतक्या लोकांना विनाकारण समस्यांना तोंड द्यावे लागले नसते. तसेच या अपघातात एकाचा निष्कारण बळी गेला नसता.