Rajendra Nikam
रिपब्लिकन पक्षाचे म.उपविभागिय भाग एरंडोल यांना सजा — उमरे ,मालखेडे, फरकांडे येथील तलाठी बालाजी बापूराव लोंढे यांची चौकशी होऊन कारवाई होणे बाबत… एरंडोल येथे दि. 2/4/2025 रोजी रिपब्लिकन पक्षाचे एरंडोल तालुकाध्यक्ष प्रवीणभाऊ बाविस्कर, तालुका सचिव देवानंदभाऊ बेहेरे, जिल्हा उपाध्यक्ष सुनीलभाऊ खोकरे यांच्या प्रमुख उपस्थितीत वरिल विषयावर निवेदन सादर करण्यात आले आहे.सदर निवेदनात असे नमूद केले आहे की, सजा उमरे,मालखेडा, फरकांडे ची तलाठी बालाजी बापूराव लोंढे आपला मनमानी कारभार करीत असून मागासवर्गीय यांना नाहक त्रास देऊन शासकीय योजना पासून वंचित ठेवत असल्याचे दिसून आले.
मौजे उमरे येथील मागासवर्गीय लाभार्थी यांना शासकीय कामी दाखले उतारे योजना कामी मागितला असता, ” त्यांना माझ्याकडे पाठवा ” मी तुम्हाला देऊ शकत नाही ” असे बेजबाबदार पणाने जाणीवपूर्वक टाळाटाळ केली. उपरोक्त संघटनाचे , — तालुका पदाधिकारी, उपविभागीय समिती सदस्य, असताना सदरहू तलाठी वरील प्रमाणे कामात कसूर करून मागासवर्गीय यांना शासकीय योजनांपासून वंचित ठेवत आहेत. लोंढे यांची कागदपत्रे चौकशी करून रितसर नियुक्ती झालेली आहे का ?
लोंढे यांची नियुक्ती झालेल्या सजा वर वास्तव्यास राहतात की बाहेरगावी याबाबत चौकशी होऊन कारवाई व्हावी.
अवैद्य वाळू , मुरूम वाहतुकीला आपणासारखे कर्तव्यदक्ष अधिकारी आळा घालण्यासाठी अहोरात्र परिश्रम व विविध उपाय राबवीत असताना मात्र लोंढे अवैध वाळू मुरूम वाहतूक करणारे ट्रॅक्टर डंपर यांना का अडवित नाहीत.
याबाबत चौकशी व्हावी.सदर कामी चौकशी होऊन लोंढे यांना निलंबित का करू नये ? याबाबतचा खुलासा मिळावा असे निवेदनाद्वारे कळविण्यात आलेले आहे. सदर निवेदनावर रिपब्लिकन पक्षाचे जळगाव जिल्हा उपाध्यक्ष सुनील भाऊ खोकरे, एरंडोल तालुका सचिव देवानंद भाऊ बेहेरे, एरंडोल तालुकाध्यक्ष प्रवीणभाऊ बाविस्कर तसेच पदाधिकारी यांच्या सह्या आहेत.
%20गांधी%20यांचे%20निधन.){kind=link}
