मालगाडीसमोर स्वतःला झोकून दिलं, रेल्वे स्थानकावरच टीसीने आयुष्य संपवलं, कारण हादरवणारं.

घरगुती कारणावरून पोलीस तक्रार झाली होती, मूर्तिजापूर शहर पोलीस अटक करायला गेले होते, पण ड्युटी सुरू असल्याने ड्युटी संपल्यावर अटक करणार होतेअकोल्यातील मुर्तिजापूर रेल्वे स्थानकावर एका तिकीट चेकर (टीसी) याने आत्महत्या केल्याची घटना घडली आहे. मूर्तिजापूर येथून भुसावळच्या दिशेने जाणाऱ्या धावत्या मालगाडी समोर येऊन टीसीने आयुष्याची अखेर केली. सुमेध मेश्राम अस आत्महत्या करणाऱ्या टीसीचे नाव आहे. घरगुती तणावातून सुमेधने आपली जीवनयात्रा संपविल्याची माहिती समोर येत आहे. घटनेची माहिती मिळताच मूर्तिजापूर पोलीस घटनास्थळी दाखल झाले होते. या प्रकरणी आकस्मिक मृत्यूची नोंद करण्यात आली आहे. घरगुती कारणावरून पोलीस तक्रार झाली होती, मूर्तिजापूर शहर पोलीस अटक करायला गेले होते, पण ड्युटी सुरू असल्याने ड्युटी संपल्यावर अटक करणार होते, तेवढ्यात त्यांनी आत्महत्या केल्याची माहिती आहे.

अकोला जिल्ह्यात घरगुती कारणाने आत्महत्या झाल्याची ही दोन दिवसातील दुसरी घटना आहे. अकोला जिल्ह्याच्या तेल्हारा तालुक्यात दोन दिवसांआधी एका घेऊन आत्महत्या केल्याची घटना घडली होती. तलाठ्याच्या आत्महत्येची घटना ताजी असतानाच मुर्तीजापूर येथे तिकीट चेकरने रेल्वेखाली उडी घेऊन आत्महत्या केल्याची घटना समोर आली आहे.मूर्तिजापूर रेल्वे स्थानकावरील कर्तव्यावर असलेले ४० वर्षीय सुमेध मेश्राम हे घरगुती कारणामुळे तणावात होते, अशी माहिती सूत्रांकडून मिळाली आहे. फलाट क्रमांक एकवर कर्तव्य बजावत असताना सुमेध मेश्राम यांनी अचानक मूर्तिजापूरवरून भुसावळकडे जाणाऱ्या मालगाडीखाली उडी घेतली. यात त्यांचा जागीच मृत्यू झाला. त्यांचा मृतदेह छिन्नविच्छिन्न अवस्थेत आढळला.

घटनेची माहिती मिळताच रेल्वे प्रशासनाने तातडीने घटनास्थळी धाव घेतली. छिन्न विच्छिन्न मृतदेह उत्तरीय तपासणीसाठी पाठवण्यात आला. घरगुती कलहातून शासकीय नोकरदाराने आत्महत्या केल्याची दोन दिवसातील ही दुसरी घटना आहे.शेतकरी आत्महत्यांप्रमाणे आता शासकीय कर्मचाऱ्यांच्या आत्महत्या समोर यायला लागल्याने शासनाने याकडे लक्ष देण्याची गरज निर्माण झाली आहे. घरगुती आणि कामाचा ताण आल्याने कदाचित अश्या घटना घडत असतील, तर शासनाने आता कर्मचाऱ्यांसाठी समुपदेशनाचे कक्ष निर्माण करण्याची आवश्यकता व्यक्त केली जात आहे. ज्यामुळे तणावात असलेले कर्मचारी टोकाचं पाऊल उचलणार नाहीत आणि अश्या प्रकारच्या आत्महत्यांना आळा बसू शकेल.