Rajendra Nikam
पुणे जिल्ह्यातील रांजणगाव एमआयडीसी पोलीस ठाण्याच्या हद्दीत एका युवकावर कोयत्याने जीवघेणा हल्ला करून पळून जाणाऱ्या कोयता गॅंगला बीडच्या केज पोलिसांनी मस्साजोग येथे सिनेस्टाईल पाठलाग करत ताब्यात घेतले. आता पुणे पोलीस या सात जणांना या गुन्ह्याच्या तपासात अटक करणार आहेत.पुण्याच्या रांजणगाव मध्ये धुमाकूळ घालणारी कोयता गँग अखेर केज पोलिसांनी पकडली आहे. मोटरसायकल सोडून शेतामध्ये पळून जाणाऱ्या हल्लेखोरांची सिनेस्टाईल पाठलाग करत पोलिसांनी धरपकड केली. बीडच्या केज तालुक्यातील मस्साजोग परिसरातून सात जणांना ताब्यात घेण्यात आले आहे. आज(२५ मार्च) पुणे पोलीस आरोपींना ताब्यात घेणार आहे. पुण्याच्या एका युवकावर २३ मार्च रोजी कोयता गॅंगने हल्ला केला होता.
मिळालेल्या माहितीनुसार, पुणे जिल्ह्यातील रांजणगाव एमआयडीसी पोलीस ठाण्याच्या हद्दीत एका युवकावर कोयत्याने जीवघेणा हल्ला करून पळून जाणाऱ्या कोयता गॅंगला बीडच्या केज पोलिसांनी मस्साजोग येथे सिनेस्टाईल पाठलाग करत ताब्यात घेतले. आता पुणे पोलीस या सात जणांना या गुन्ह्याच्या तपासात अटक करणार आहेत. ओंकार देशमुख, गिरीश कराळे, रोहन बोटे, शंकर करंजकर, ओम चव्हाण, रोहन गाडे यांच्यासह अन्य आरोपींचा यामध्ये समावेश असून त्यांच्यावर यापूर्वी गंभीर गुन्हे दाखल आहेत.पुणे पोलीस या टोळीच्या शोधात होते. ही टोळी केज परिसरात दाखल झाल्याचे समजताच पुणे पोलिसांनी केज येथे संपर्क साधत पोलीस निरीक्षक वैभव पाटील यांना माहिती दिली होती. त्यानुसार मस्साजोग येथील पेट्रोल पंपाजवळ पोलिसांनी सापळा लावला होता.
