स्वारगेट आगारातील मुलीवरील अत्याचार प्रकरणात मोठी अपडेट, आरोपी दत्तात्रय गाडे पोलिसांना..

 स्वारगेट आगारात एका २६ वर्षीय मुलीवर अत्याचार झाल्याची घटना घडल्यानंतर मोठी खळबळ निर्माण झाली. आरोपी दत्तात्रय गाडे याला पोलिसांनी ताब्यात घेतले. गाडे हा एक सराईत गुन्हेगार असून त्याच्यावर काही गुन्हे अगोदरच दाखल आहेत. पोलिसांकडून सध्या गाडेची चाैकशी सुरू आहे.पुण्याच्या स्वारगेट आगारात एका २६ वर्षीय मुलीवर बंद शिवशाही बसमध्ये चक्क अत्याचार करण्यात आला. या घटनेने मोठी खळबळ उडाली आणि विरोधकांनी थेट सरकारवर निशाणा साधला. काही तास प्रयत्न करून पोलिसांनी आरोपी दत्तात्रय गाडे याला त्याच्या गावातूनच ताब्यात घेतले. धक्कादायक म्हणजे दत्तात्रय गाडे हा एक सराईत गुन्हेगार आहे. त्याच्यावर यापूर्वीही काही गुन्हे दाखल आहेत. मुलीवर अत्याचार करण्याच्या अगोदर तो काही तास स्वारगेट आगारातच रेंगाळत होता. त्याने मुलीला गोड बोलून फलटणची बस दुसरीकडे लागल्याचे सांगितले.बंद शिवशाही बसमध्ये त्याने मुलीवर दोनदा अत्याचार केला आणि तिला जीवे मारण्याची धमकी देखील दिली.

नराधम दत्तात्रय गाडे याच्याबद्दल सातत्याने धक्कादायक खुलासे होताना दिसत आहेत. त्याचे अनेक कारनामे पुढे येत आहेत. तो चक्क एसटी आणि पीएमपी स्थानकामध्ये पोलिसाच्या वेषात फिरत. हेच नाही तर त्याचे पोलिसाच्या वेषातील फोटोही पुढे आले. तो बसस्थानकात थांबलेल्या मुलींना टार्गेट करत असल्याचीही माहिती पुढे आली.आता नुकताच आरोपी दत्तात्रय गाडे याच्याबद्दल एक माहिती पुढे येतंय. आरोपी हा पोलिस चाैकशीमध्ये पोलिसांना उडवाउडवीची उत्तरे देतोय. गुन्हे शाखेने गाडेची तीन तास चाैकशी केली. मात्र, गाडे हा पोलिसांना उडवाउडवीची उत्तरे देत आहे.

दत्तात्रय गाडे हा लष्कर पोलिस ठाण्याच्या कोठडीत आहे. मात्र, तो पोलिसांना चाैकशीसाठी सहकार्य करत नसून सातत्याने फक्त उडवाउडवीचे उत्तरे देत आहे.आरोपीच्या वकिलांनी या प्रकरणाबद्दल धक्कादायक खुलासा केला. त्यांनी म्हटले होते की, दत्तात्रय गाडे आणि त्या मुलीची ओळख अगोदरपासून होती. आरोपीने तिला पैसेही दिले. त्यानंतर या प्रकरणाला एक वेगळेच वळण लागले. मात्र, या दाव्यानंतर वकिलांनी मोठा युटर्न घेत म्हटले की, असे आम्ही नाही तर गाडे बोलतोय. स्वारगेट अत्याचाराच्या प्रकरणानंतर राज्यात महिला आणि मुली सुरक्षित नसल्याचा प्रश्न परत एकदा उपस्थित झाला. मुंबईतही पाच नराधमांनी १२ वर्षांच्या मुलीवर अत्याचार केला.