कृष्णा आंधळेची माहिती द्या, तुमचं नाव सिक्रेट राहील, बक्षीसही मिळेल, बीड पोलीस अधीक्षकांनी नंबरच दिला.

राज्य सरकारने घोषणा केल्याप्रमाणे खंडणी आणि हत्या प्रकरणी मकोका लावण्यात आला. असे असताना संतोष देशमुख खून प्रकरणातील फरार आरोपी कृष्णा आंधळे मात्र अजून पोलिसांना सापडला नाही.

बीड जिल्ह्यातील सरपंच संतोष देशमुख हत्या प्रकरणाला दीड महिना उलटून गेला. या प्रकरणातील सात आरोपींविरुद्ध केज पोलिसात हत्येचा गुन्हा दाखल करण्यात आला. मात्र, तपासात या प्रकरणी मदत करणारा एक जण वाढल्याने आठ आरोपी झाले. त्यातील सात आरोपी तुरुंगात आहेत. मात्र, अजून एक आरोपी पोलिसांना गुंगारा देत आहे.राज्य सरकारने घोषणा केल्याप्रमाणे खंडणी आणि हत्या प्रकरणी मकोका लावण्यात आला. असे असताना संतोष देशमुख खून प्रकरणातील फरार आरोपी कृष्णा आंधळे मात्र अजून पोलिसांना सापडला नाही. त्यामुळे पोलिसांनी त्याला फरार घोषित करून त्याची माहिती देणाऱ्यास बक्षीस देणार असल्याचे पोलिसांनी म्हटले आहे.अपर पोलिस अधीक्षक सचिन पांडकर, अपर पोलिस अधीक्षक-अंबाजोगाई चेतना तिडके, सहायक पोलिस अधीक्षक-केज कमलेश मिना, पोलिस निरीक्षक स्थानिक गुन्हे शाखा-बीड उस्मान शेख यांच्याशी संपर्क साधण्याचे आवाहन पोलिस प्रशासनाच्या वतीने केले आहे.