पोलीस भरतीचा सराव करण्यासाठी मास्तरांसोबत गेले, व्यायाम करताना पाण्यात उतरले, अंदान आल्याने अनर्थ घडला,

 चंद्रपुरातील आदर्श फिजिकल ग्रुपचे संचालक आदर्श चिवंडे हे पोलीस भरतीसाठी सराव करण्यास प्रशिक्षण केंद्र चालवतात. पोलीस होण्याचे स्वप्न पूर्ण करण्यासाठी पोलीस भरतीसाठी सराव करणाऱ्या दोघांवर काळाने झडप घातली. पैनगंगा नदी पात्रात युवक-युवतीचा बुडून मृत्यू झाल्याची दुदैवी घटना चंद्रपूर जिल्ह्यातील कोरपना तालुक्यात येणाऱ्या भोयगाव येथे घडली. संध्या शिंदे (वय २०) आणि युगल नागपुरे (वय १९) अशी मृतकांची नावे आहेत. या घटनेनं जिल्ह्यात हळहळ व्यक्त केली जात आहे.

मिळालेल्या माहितीनुसार, चंद्रपुरातील आदर्श फिजिकल ग्रुपचे संचालक आदर्श चिवंडे हे पोलीस भरतीसाठी सराव करण्यास प्रशिक्षण केंद्र चालवतात. त्यांनी संस्थेतील एकूण ३६ विद्यार्थ्यांना व्यायाम करण्यासाठी रविवारी धानोरा-भोयगाव मार्गावरील पैनगंगा नदीवर आणले होते. व्यायाम झाल्यानंतर काही प्रशिक्षणार्थी पैनगंगा नदीच्या पात्रात उतरले. मात्र पाण्याचा अंदाज न आल्यामुळे संध्या शिंदे आणि समीक्षा शेंडे हे दोघे खोल डोहात बुडाले. दोघींना वाचविण्यासाठी युगल नागापुरे या तरुणाने पाण्यात उडी मारली. मात्र, तो देखील पाण्यात बुडाला. समीक्षा शेंडे ही युवती कशीबशी बाहेर निघाली. पण, संध्या शिंदे आणि युगल नागापुरे यांचा बुडून मृत्यू झाला. उपस्थित तरुण, तरुणींनी मृतक संध्याचा मृतदेह बाहेर काढला. परंतु, युगलचा मृतदेह आढळून आला नाही. अंधार झाल्याने शोध मोहीम थांबवण्यात आली. आज पुन्हा शोधमोहीम सुरू करण्यात येणार आहे. युगल पुणेश्वर नागपुरे हा गोंडपिपरी तालुक्यात येणाऱ्या सोनापूर गावातील तरुण होता. वडिलांची आर्थिक स्थिती बेताची आहे. कोमल नावाची एक बहीण त्याला आहे. युगल हा एकुलता एक वंशाचा दिवा होता. पोलीस होण्याचं त्याचं स्वप्न होतं. आई-वडिलांचा एकुलता एक आधार हरवल्याने त्यांच्यावर मोठा आघात झाला आहे. युगलच्या जाण्याने सोनापूर गावात शोककळा पसरली आहे. दरम्यान, काही दिवसांपूर्वी शहरात एक भीषण घटना घडली होती. यात चंद्रपूर येथून बल्लारपूर मार्गाने भरधाव वेगात निघालेल्या कोळशाची वाहतूक करणाऱ्या ट्रकने पादचारी महिलेला चिरडले. या अपघातात महिलेचा जागीच मृत्यू झाला असून, ट्रकचालक फरार झाला आहे. पोलिसांनी घटनास्ठळी पोहोचून सदर महिलेचा मृतदेह ताब्यात घेतला आणि फरार ट्रकचालकचा शोध सुरू आहे.

  • Related Posts

    दिव्यांग विद्यार्थ्यांची सेवा हे व्रत मानावे- डॉ. भावनाताई भोसले दिव्यांग विद्यार्थ्यांसाठी थेरेपी सेवा शिबिराचे आयोजन.

    दिव्यांग विद्यार्थ्यांची सेवा हे व्रत मानावे- डॉ. भावनाताई भोसले दिव्यांग विद्यार्थ्यांसाठी थेरेपी सेवा शिबिराचे आयोजन. धरणगाव तालुका प्रतिनिधी-राजु बाविस्कर, धरणगाव : शिक्षकांचे स्थान समाजात अत्यंत मानाचे आहे. ज्ञानदानाचे पवित्र कार्य…

    बोदवड ग्रामीण रुग्णालयात तज्ज्ञांचा तुटवडा; गोरगरिबांना खासगी रुग्णालयांचा पर्याय,

    बोदवड ग्रामीण रुग्णालयात तज्ज्ञांचा तुटवडा; गोरगरिबांना खासगी रुग्णालयांचा पर्याय, एकनाथराव खडसे यांचा विधान परिषदेत सरकारला जाब — प्रकाश आबिटकर यांची भरतीची ग्वाही.. प्रतिनिधी | प्रणित काठोके ! बोदवड येथील ग्रामीण…

    Leave a Reply

    Your email address will not be published. Required fields are marked *

    You Missed

    बोगस केळी पिकाच्या नावाखाली ६६ कोटींचा विमा घोटाळा; मुक्ताईनगरात ५ CSC केंद्रचालकांवर कारवाई.

    बोगस केळी पिकाच्या नावाखाली ६६ कोटींचा विमा घोटाळा; मुक्ताईनगरात ५ CSC केंद्रचालकांवर कारवाई.

    अंशतः अनुदानित शिक्षकांना सन्मान निवृत्ती वेतन योजना लागू करा.

    अंशतः अनुदानित शिक्षकांना सन्मान निवृत्ती वेतन योजना लागू करा.

    मुक्ताईनगर मतदारसंघातील १३ रस्त्यांच्या कामांसाठी २५ कोटींचा निधी मंजूर.

    मुक्ताईनगर मतदारसंघातील १३ रस्त्यांच्या कामांसाठी २५ कोटींचा निधी मंजूर.

    दिव्यांग विद्यार्थ्यांची सेवा हे व्रत मानावे- डॉ. भावनाताई भोसले दिव्यांग विद्यार्थ्यांसाठी थेरेपी सेवा शिबिराचे आयोजन.

    दिव्यांग विद्यार्थ्यांची सेवा हे व्रत मानावे- डॉ. भावनाताई भोसले दिव्यांग विद्यार्थ्यांसाठी थेरेपी सेवा शिबिराचे आयोजन.

    ५० हजार ७३२ शेतकरी ई-KYCमुळे मदतीपासून वंचित; विधानपरिषदेत एकनाथराव खडसे त्यांनी सरकारला धरले धारेवर..

    ५० हजार ७३२ शेतकरी ई-KYCमुळे मदतीपासून वंचित; विधानपरिषदेत एकनाथराव खडसे त्यांनी सरकारला धरले धारेवर..

    RTE प्रवेशातील जाचक अटी रद्द करा; किरण माळी यांचे शिक्षणमंत्र्यांना निवेदन.

    RTE प्रवेशातील जाचक अटी रद्द करा; किरण माळी यांचे शिक्षणमंत्र्यांना निवेदन.