गोरगरीबांसाठी मनसेचा दिवाळी “आनंदाचा शिधा” उपक्रम, हरीविठ्ठल नगर शाखेत फक्त २१ रुपये किलो दराने साखर वितरण.. -

गोरगरीबांसाठी मनसेचा दिवाळी “आनंदाचा शिधा” उपक्रम, हरीविठ्ठल नगर शाखेत फक्त २१ रुपये किलो दराने साखर वितरण..

जळगाव – दिवाळीचा आनंद समाजातील प्रत्येक घटकापर्यंत पोहोचवण्याच्या उद्देशाने महाराष्ट्र नवनिर्माण सेनेतर्फे “आनंदाचा शिधा” हा उपक्रम राबविण्यात येत आहे. या उपक्रमांतर्गत गोरगरीब व गरजू परिवारांना फक्त २१ रुपये किलो दराने साखर उपलब्ध करून देण्यात येणार आहे.

हा उपक्रम महाराष्ट्र नवनिर्माण सेना जळगाव वार्ड क्रमांक ११, मनसे महिला शाखा, हरीविठ्ठल नगर शाखेच्या वतीने आयोजित करण्यात आला असून, कार्यक्रमाचे आयोजन बुधवार, १५ ऑक्टोबर २०२५ रोजी सायंकाळी ५.०० वाजता महिला शाखा कार्यालय, हरीविठ्ठल नगर येथे करण्यात आले आहे.

या प्रसंगी जळगाव शहरातील आजी-माजी पदाधिकारी तसेच अंगीकृत संघटनांचे सर्व पदाधिकारी उपस्थित राहणार आहेत.

महिलांनी येताना राशन कार्डची झेरॉक्स प्रत सोबत आणावी, असे आवाहन आयोजकांकडून करण्यात आले आहे.

दिवाळीच्या पार्श्वभूमीवर मनसे महिला शाखेचा हा उपक्रम सामाजिक संवेदनशीलतेचे द्योतक ठरणार असून, “सेवेचा उत्सव म्हणजेच खरी दिवाळी” या भावनेने हा उपक्रम राबविण्यात येत आहे.