Rajendra Nikam
गोविंदांच्या सेवेत ‘चौधरी’ लयाची ७७पार! जखमींवर उपचार : डॉ. अवधूत यांच्या माध्यमातून दुसरी पिढी सेवेत
शहरातील दहीहंडी फोडण्याच्या प्रयत्नात जखमी होणाऱ्या गोविंदांसाठी गेल्या ७६ वर्षांपासून चौधरी डॉ. अवधूत चौधरी परिवार मोफत सेवा पुरवित आहे. डॉ. अवधूत चौधरी यांच्या माध्यमातून त्यांची दुसरी पिढी सध्या सेवेसाठी सक्रिय आहे. ७६ वर्षांपूर्वी सुवर्णनगरीतल्या गोविंदांनां नामदेव सोनू चौधरी यांनी सेवा पुरवायला सुरुवात केली, दहीहंडी फोडताना जखमीसह हाड फ्रैक्चर झालेल्या गोविंदांवर नामदेव चौधरी उपचार करीत गेले. सांधा निखळल्यावर आणि हात मोडल्यावर नामदेवराव सरसावत गेले आणि उपचार करीत गेले. त्यामुळे दहीहंडीचा दिवस नामदेवराव सेवेतच वाहून द्यायचे. कालांतराने त्यांचे निधन झाले. वसा नामदेवरावांनी घेतलेल्या चालविण्याची जबाबदारी त्यांचे चिरंजीव डॉ. अवधूत यांच्यांवर आली. डॉ. अवधूत यांनी सातपुड्याच्या मदतीने वनस्पती शोधल्या आणि या वनस्पतींच्या माध्यमातून गोविंदांसह वडिलांनी दिलेला सेवाव्रत आजही निरंतरपणे जपला जात आहे. त्यामुळे अनेकांच्या वेदना पुसण्याचे भाग्य लाभल्याचे समाधान आहे.
-डॉ. अवधूत चौधरी, विठ्ठल पेठ, कबड्डीसह अन्य खेळात जखमी होणाऱ्या युवकांवर मोफत उपचार करीत गेले. त्यासाठी त्यांचे बंधू संजय, मुलगा डॉ. नितेश व डॉ. स्वप्नीलही त्यांना मदत करत गेले. त्यामुळे ‘चौधरी’लयाच्या प्रेमात गोविंदांसह खेळाडू पडले. धन्वंतरी जयंतीला सातपुड्यात जायचे आणि वन औषधी उपलब्ध करायची हा सेवाव्रत निरंतरपणे सुरू आहे. म्हणून नामदेवरावांनी घेतलेला वसा आणि तिन्ही लेकरांच्या माध्यमातून ‘वारसा’ म्हणून जपला जात आहे.
