मासेमारीसाठी गेले आणि आक्रीत घडलं, कुटुंबांवर दु:खाचा डोंगर; नागपुरात हसत्या-खेळत्या मुलांचा दुर्दैवी अंत.

नागपूर जिल्ह्यातील वाडीजवळ दुर्दैवी घटना घडली. खड्ड्यात साचलेल्या पाण्यात बुडून दोन मुलांचा मृत्यू झाला. हे दोघे मित्र मासेमारीसाठी गेले होते. खड्ड्याचा अंदाज न आल्याने ते बुडाले. वाडी पोलिसांनी दोघांचे मृतदेह बाहेर काढले. या घटनेमुळे परिसरात शोक पसरला आहे.नागपूर : नागपूर जिल्ह्यातील वाडी नगरपरिषद क्षेत्रातील म्हाडा कॉलनीत राहणाऱ्या आटे लेआउटमधील पाच मित्रांची मासेमारीची भटकंती दोन कुटुंबांसाठी काळरात्र ठरली. गुरुवारी दुपारी लावा दावलमेती रोडवरील एका शेतातील पावसाच्या पाण्याने भरलेल्या खड्ड्यात दोन अल्पवयीन मुलांचा पाण्यात बुडून दुर्दैवी मृत्यू झाला.

या घटनेने संपूर्ण परिसरात शोककळा पसरली आहे.वाडी पोलिसांनी दिलेल्या माहितीनुसार, मृतांमध्ये प्रबोधनकार ठाकरे शाळेत नववीत शिकणारा आटे लेआउटचा रहिवासी धीरज नारनवरे (१४) आणि विश्वनाथ बाबा हायस्कूलमध्ये दहावीत शिकणारा म्हाडा कॉलनीचा रहिवासी नैतीक विपिन वानखेडे (१६) यांचा समावेश आहे. गुरुवारी दुपारी सुमारे १२ वाजता धीरज, नैतीक आणि त्यांचे तीन मित्र लावा रोडच्या दिशेने निघाले. घरी कोणालाही न सांगता ते सर्वजण फिरण्यासाठी गेले होते. भटकंती करताना हे पाचही मित्र लावा ग्रामपंचायतीच्या आठव्या मेल रोडवर असलेल्या दिलीप भगत यांच्या शेतात पोहोचले. शेतात काही वैयक्तिक कामासाठी मोठा खड्डा खोदण्यात आला होता, ज्यात पावसाचे पाणी साचले होते.वाडी पोलिसांनी दिलेल्या माहितीनुसार, मृतांमध्ये प्रबोधनकार ठाकरे शाळेत नववीत शिकणारा आटे लेआउटचा रहिवासी धीरज नारनवरे (१४) आणि विश्वनाथ बाबा हायस्कूलमध्ये दहावीत शिकणारा म्हाडा कॉलनीचा रहिवासी नैतीक विपिन वानखेडे (१६) यांचा समावेश आहे. गुरुवारी दुपारी सुमारे १२ वाजता धीरज, नैतीक आणि त्यांचे तीन मित्र लावा रोडच्या दिशेने निघाले. घरी कोणालाही न सांगता ते सर्वजण फिरण्यासाठी गेले होते. भटकंती करताना हे पाचही मित्र लावा ग्रामपंचायतीच्या आठव्या मेल रोडवर असलेल्या दिलीप भगत यांच्या शेतात पोहोचले. शेतात काही वैयक्तिक कामासाठी मोठा खड्डा खोदण्यात आला होता, ज्यात पावसाचे पाणी साचले होते.दरम्यान, जवळच असलेल्या जेसीबी चालकाने तात्काळ जेसीबीसह घटनास्थळी धाव घेतली. इतर तीन मित्र घाबरून घरी परतले आणि त्यांनी आपल्या कुटुंबीयांना घटनेची माहिती दिली. घटनेची माहिती मिळताच लावा गावचे माजी जिल्हा परिषद सदस्य सुजित नितनवरे काही लोकांसह घटनास्थळी पोहोचले. वाडी पोलिसही तात्काळ घटनास्थळी दाखल झाले. गोताखोरांच्या मदतीने धीरज आणि नैतीक यांना पाण्यातून बाहेर काढण्यात आलं. तातडीने त्यांना रुग्णालयात नेण्यात आलं. मात्र डॉक्टरांनी तपासल्यानंतर दोघांनाही मृत घोषित केलं. या दुर्दैवी घटनेमुळे दोन्ही कुटुंबांवर दुःखाचा डोंगर कोसळला असून परिसरात हळहळ व्यक्त केली जात आहे.