देशमुख विद्यालयात गुरुपौर्णिमेनिमित्त वाङ्मय मंडळाचे उद्घाटन व वकृत्व स्पर्धा : अंजली कुंभार प्रथम क्रमांकाची मानकरी.

विद्यार्थ्यांच्या अंगी सभाधैर्य, धाडस, साहस, पाठांतर, विषय प्रतिपादन, वेळेचे नियोजन, श्रद्धा आणि भक्ती हे गुण विकसित व्हावेत, यासाठी वाङ्मय मंडळ महत्त्वपूर्ण भूमिका बजावते.
डी. एस. देशमुख माध्यमिक व उच्च माध्यमिक विद्यालय, थोरगव्हाण (ता. रावेर) येथे आषाढ पौर्णिमा म्हणजेच गुरुपौर्णिमेनिमित्त वाङ्मय मंडळाच्या उद्घाटन सोहळ्याचे आयोजन करण्यात आले.दी एज्युकेशन संस्थेचे माजी सचिव हेमंतराव एकनाथराव चौधरी यांनी सन्मानार्थ दिलेल्या “अमृतस्य पुत्राः” या गुरुपरंपरेचे दुर्मिळ चित्रप्रतीक व वेदांची देवता माता सरस्वती पूजन करण्यात आले. कार्यक्रमाच्या अध्यक्षस्थानी रविंद्र काशिनाथ चौधरी होते. वाङ्मय मंडळातर्फे मान्यवरांचे स्वागत करण्यात आले. संस्थेतर्फे कार्यक्रमाचे अध्यक्ष रविंद्र चौधरी संचालक मधुकर कोल्हे यांनी सर्व गुरुजन व शिक्षक-शिक्षकेतर कर्मचाऱ्यांचा सत्कार करण्यात आला.

रविद्र चौधरी यांनी अध्यक्षीय मनोगतातून आई वडिल प्रथम गुरू तसेच विद्यार्थी जीवनाल शिक्षक गुरू संसाररूपी जिवनात अध्यात्म गुरु बाबत महत्व पटवून दिले तसेच विद्यार्थ्यांनी खूप अभ्यास करून चांगले मार्क्स मिळवून हीच गुरुदक्षिणा द्यावी असा संदेश दिला . वाङ्मय मंडळप्रमुख व कला शिक्षक  एस. बी. सपकाळे यांनी प्रास्ताविक सादर केले. उद्घाटनानंतर तत्काळ वकृत्व स्पर्धेला प्रारंभ करण्यात आला.या स्पर्धेसाठी एकूण २० विद्यार्थी-विद्यार्थिनींनी सहभाग नोंदवला. “गुरु महिमा”, “तस्मै श्री गुरवे नमः”, “मानवी जीवनात गुरुचे स्थान” या विषयांवर स्पर्धकांनी प्रभावी भाषणे दिली.या उपक्रमाचे नियोजन वाङ्मय मंडळ प्रमुख तथा कला शिक्षक  एस. बी. सपकाळे, वाय. जे. कुरकुरे, जयश्री प्रविण चौधरी व  एम. के. पाटील जेष्ट शिक्षक टी पी घुले यांनी केले.विद्यालयाचे मुख्याध्यापक डी. के. पाटील यांनी या उपक्रमास शुभेच्छा दिल्या आणि २० विद्यार्थ्यांच्या उत्स्फूर्त सहभागाचे कौतुक केले. गुरुमहिमा स्पष्ट करत विद्यार्थ्यांकडून गुरुमंत्र वदवून घेतला गेला. वक्तृत्व स्पर्धेचे परीक्षण करून विजेत्यांची घोषणा केली. मनोगत व्यक्त केले .शिक्षकांच्या वतीने वक्ते युवराज कुरकुरे यांनी गुरुपौर्णिमेच्या निमित्ताने मनोगत व्यक्त केले. परिपाठातून क्रीडा शिक्षक  जे. ए. चौधरी यांनी ‘आजचा दिनविशेष’ सादर केला. कार्यक्रमाला संचालक व माजी शालेय समिती सदस्य  मधुकर वसंत कोळे आणि पालक संघाचे प्रतिनिधी  विजय पुरुषोत्तम चौधरी उपस्थित होते. विजेत्या विद्यार्थ्यांना रोख पारितोषिक देण्यात आले. स्पर्धेचा निकाल: अंजली योगेश कुंभार – प्रथम क्रमांक प्रणाली राजेंद्र कोल्हे – द्वितीय क्रमांक शिरीन इस्माईल पटेल – तृतीय क्रमांक जोया जुम्मा पिंजारी – चौथा क्रमांक मुलांमधून समर महेंद्र वाघ – प्रथम क्रमांककार्यक्रमाचे अध्यक्ष  रविंद्र चौधरी यांनी पारितोषिक वितरण केले. सूत्रसंचालन  एस. बी. सपकाळे यांनी केले, तर आभारप्रदर्शन  जयश्री प्रविण चौधरी यांनी केले. शिक्षक टी पी घुले एम के पाटील यांनी सहकार्य केले . सर्व शिक्षक, शिक्षकेतर कर्मचारी व विद्यार्थी मोठ्या संख्येने उपस्थित होते.