भयंकर! बापलेकांनी केला दोन तरुणीचा विनयभंग; बीडमधील खळबळजनक घटना, पोलिसात तक्रार दाखल.

बीडमध्ये दोघां बापलेकांनी दोन वेगवेगळ्या तरुणीचा विनयभंग केल्याची धक्कादायक घटना समोर येत आहे. मुलाने शाळेतील मुलीचा पाठलाग करत तिला धमकी दिली. या घटनेने जिल्हात खळबळ उडाली आहे.केज तालुक्यातील एका गावात दोघां बापलेकांनी दोन वेगवेगळ्या तरुणीचा विनयभंग केला असून बापाने मतिमंद तरुणीचा घरात शिरून विनयभंग केला तर लेकाने गावातीलच एका शाळकरी मुलीचा पाठलाग करत विनयभंग केल्याची घटना घडली आहे. दरम्यान या दोन्ही वेगवेगळ्या विनय भंगाच्या घटनेत बापलेका विरुद्ध केज पोलीस ठाण्यात गुन्हा दाखल करण्यात आला आहे.मात्र दोघे बाप लेक फरार झाले आहेत.
एका अपंग व मतिमंद तरुणीच्या घरात घुसून विनयभंग केल्याची घटना केज तालुक्यातील एका गावात घडली.केज तालुक्यातील एका गावातील ३० वर्षीय अपंग व मतिमंद तरुणी ही ४ जुलै रोजी दुपारी तीन वाजता तिच्या राहत्या घरी एकटीच असल्याची संधी साधून बाळू जालिंदर कांबळे रा.लव्हुरी याने तिच्या घरात घुसून विनयभंग केला. दरम्यान सदर तरुणीने आरडा ओरडा केल्यामुळे पीडित तरुणीच्या चुलतीने तात्काळ धाव घेतली. त्यावेळी सदर आरोपी बाळु जालिंदर कांबळे हा घरातून पळून गेला.

दरम्यान पीडितेच्या चुलतीने दिलेल्या तक्रारीवरून बाळू जालिंदर कांबळे याच्याविरुद्ध केज पोलिसात गुन्हा दाखल झाला आहे.दुसऱ्या घटनेत एका अल्पवयीन शाळकरी मुलीचा पाठलाग करीत आत्महत्या करण्याची व तूझ्या आईवडिलांना जीवे मारून टाकण्याची धमकी देऊन लेकाने एका शाळकरी मुलीचा विनयभंग केला. सदर तरुणाविरुद्ध केज ठाण्यात विनयभंगाचा गुन्हा नोंद करण्यात आला आहे. या दोन्ही घटनेत दोघे बापलेकानी दोन वेगवेगळ्या तरुणीचा विनयभंग केला आहे.या दोघा बापलेका विरुद्ध दोन वेगवेगळे गुन्हे दाखल झाले आहेत. दुसऱ्या घटनेत आरोपी निखील बाळासाहेब कांबळे हा एका शाळकरी मुलीचा शाळेत जाता-येता पाठलाग करीत तू माझ्याशी बोलली नाहीस, तर मी आत्महत्या करीन नाही तर तुझ्या आईवडिलांना जीवे मारून टाकीन अशी धमकी देत अल्पवयीन शाळकरी मुलीचा विनयभंग केला.केज तालुक्यातील एका गावातील इयत्ता ९ वीच्या वर्गात शिक्षण घेत असलेल्या अल्पवयीन मुलीचा मागील १५ दिवसापासून निखील बाळासाहेब कांबळे हा तरुण दुचाकीवरून तिच्या मागे – मागे पाठलाग करीत होता.

४ जुलै रोजी सदर मुलगी शाळेतून घरी येत असताना आरोपी निखिल बाळासाहेब कांबळे याने पाठलाग करीत तिला तू माझ्यासोबत का बोलत नाहीस, तू माझ्या सोबत बोलली नाहीस, तर मी आत्महत्या करील. तुझ्या आई वडीलांना मारील अशी धमकी देऊन निघून गेला.हा सर्व प्रकार मुलीने तिच्या आईला सांगितल्यानंतर मुलीच्या आईने मुलाच्या आईला तुझा मुलगा माझ्या मुलीला कशामुळे ञास देतो, अशी विचारणा केली असता आरोपी निखील कांबळे व त्याची बहिण पुनम कांबळे या दोघांनी उलट मुलीच्या आईला शिवीगाळ करीत चापटाने मारहाण केली.अशी तक्रार मुलीच्या आईने दिल्यावरून निखिल बाळासाहेब कांबळे व त्याची बहीण पूनम कांबळे या दोघा बहिणभावा विरुद्ध गुन्हा दाखल झाला आहे.पुढील तपास पिंक पथकाचे फौजदार प्रकाश शेळके हे करीत आहेत.तर अपंग व मतिमंद तरुणीचा घरात शिरून विनयभंग प्रकारणाचा तपास सहाय्यक फौजदार अशोक सोनवणे हे करीत आहेत