काय डोकं आहे ! आई अभ्यासावरून रागवली, शाळकरी मुलीने रचला अपहरण, लैंगिक अत्याचाराचा बनाव

काय डोकं आहे ! आई अभ्यासावरून रागवली, शाळकरी मुलीने रचला अपहरण, लैंगिक अत्याचाराचा बनाव

गेल्या काही काळात मुंबईसह राज्यात विविध ठिकाणी महिला, मुलींवरील अत्याचाराच्या घटना उघडकीस येत आहे. बदालपूरमधील शाळेतील दोन चिमुकल्या मुलींवर झालेल्या अत्याचाराने तर संपूर्ण राज्यात संतापाची लाट उसळली. त्या घटनेतील आरोपीचा एन्काऊंटरमध्ये मृत्यूही झाला. लैंगिक अत्याचाराच्या घटनांविरोधात आवाज उठवत नागरिक कडक कायद्यांची मागणी करत आहेत. हे सगळं सुरू असताना दुसरीकडे मुंबईतील भांडूपमध्ये एक अतिशय भयानक आणि तेवढीच धक्कादायक घटना घडल्याचे उघडकीस आले. एका शाळकरी मुलीचे अपहरण करून तिच्यावर लैंगिक अत्याचार झाल्याची तक्रार पोलिसांसमोर आली होती. मात्र घटनाक्रम आणि पुरावे यात तफावत आढळल्याने पोलिसांना संशय आला, अखेर त्यांनी कसून तपास करताच हा सगळा बनाव असल्याचे समोर आले. आई अभ्यासावरून रागावली म्हणून त्या अल्पवयीन मुलीने स्वत:च्याच अपहरणाचा आणि लैंगिक अत्याचाराच बनाव रचल्याची धक्कादायक माहिती उघड झाली. यामुळे परिसरात खळबळ माजली असून पोलिसही अवाक् झाले. शाळा सुटली तरी घरी आलीच नाही म्हणून…. मिळालेल्या माहिनीनुसार, ही अल्पवयीन मुलगी भांडूप येथे तिच्या आई-वडिलांसह राहते. शनिवारी सकाळी ती पावणेसातच्या सुमारास नेहमीप्रमाणे शाळेत जाण्यासाठी घराबाहेर पडली. दुपारी शाळा सुटून बराच वेळ झाला तरी ती घरी परत न आल्याने तिच्या कुटुंबियांना चिंता वाटू लागली, ते काळजीत पडले, सगळीकडे तिचा शोध घेऊन लागले. मात्र मुलगी काही सापडलीच नाही. अखेर संध्याकाळी 4-5 च्या सुमारासा ती मुलगी घरी आली, ते पाहून सर्वांचा जीव भांड्यात पडला.