अरे प्रदीप थांब वहिनीला मारू नकोस…! मध्यस्थी करणाऱ्या भावासह वडिलांवरच फिरला, पण शेवट अत्यंत भयंकर.

चंद्रपूर जिल्ह्यातील हरदोना येथे एका कुटुंबात शोकांतिका घडली. पत्नीला मारहाण करणाऱ्या लहान भावाला थांबवण्यासाठी गेलेल्या वडील आणि मोठ्या भावावर त्याने हल्ला केला. संतप्त झालेल्या मोठ्या भावाने गळा दाबून त्याची हत्या केली. या प्रकरणी पोलिसांनी वडील आणि मोठ्या भावाला अटक केली असून, पुढील तपास सुरू आहे.लहान भावाचे पत्नी सोबत भांडण झाले.पत्नीला मारहाण करीत असलेल्या लहान भावाला अडविण्यासाठी वडील आणि मोठा भाऊ धावून गेला. मात्र लहान भावाने त्यांच्यावरच काठीने हल्ला केला.

रागाचा भरात वडिलांनी त्याचे दोरीने हात बांधले. मोठ्या भावाने त्याचा गळा दाबून हत्या केल्याची धक्कादायक घटना चंद्रपुरात घडली आहे. प्रदीप मनोहर चीलमुले असे मृतकाचे नाव आहे. मनोहर बक्का चिलमुले (५०), प्रफुल मनोहर चिलमुले (२८) या दोघांना पोलिसांनी अटक केली आहे.प्राप्त माहितीनुसार चंद्रपूर जिल्हातील कोरपणा तालुक्यात येणाऱ्या हरदोना (बु.) येथील मनोहर बक्का चीलमुले यांना तीन मुले आहेत. २८ जूनला रात्री नऊ वाजताच्या दरम्यान मृतक प्रदीप हा आपल्या पत्नीसोबत भांडण करून तिला मारहाण करीत होता. त्याचा मोठा भाऊ प्रफुल चिलमुले हा त्याचे भांडण सोडविण्यासाठी मध्यस्थी करायला गेला. यामुळे प्रदीप भडकला. त्याने काठी उचलली आणि त्याला मारहाण करू लागला.दोन मुलांना भांडताना बघून वडील मनोहर चिलमुले धावून गेलेत. मात्र प्रदीप चिलमुले हा त्या दोघांनाही ऐकत नव्हता. शेवटी प्रफुलने त्याला खाली पाडले. वडिलांनी घरातील दोरी आणली. त्याचे हात बांधले. रागाचा भरात प्रफुलने प्रदीपचा गळा दाबला. यामुळे प्रदीप बेशुद्ध पडला. त्याला उपचाराकरिता ग्रामीण रुग्णालय गडचांदूर येथे हलविण्यात आले. मात्र डॉक्टरांनी त्याला मृत घोषित केले. याप्रकरणी पोलिसांनी वडील आणि मोठ्या भावाला अटक केली आहे. राजुरा पोलीस स्टेशन येथे अपराध क्रमांक ३०५/२०२५ कलम १०३(१),३(५) बीएनएस अंतर्गत गुन्हा नोंदविला आहे. पुढील तपास राजुरा पोलीस स्टेशनचे पोलीस निरीक्षक सुमित परतेकी यांच्या मार्गदर्शनाखाली पोलीस उपनिरीक्षक भीष्मराज सोरते करित आहे.दरम्यान, या घटनेमुळे सर्वांनाच धक्का बसला आहे. रागाच्या भरात केलेले कृत्या लहान भावाच्या जीवावर बेतले. कारण जर त्याने शांतपणे भांडणे थांबवली असतीत तर आ प्रदीप जिवंत असला असता. रागाच्या भरात प्रदीपने वडील किंवा मोठा भाऊ म्हणजेच प्रफुलवरही हल्ला चढवला असता तर त्यांच्याही जिवाला धोका झाला असता.