Rajendra Nikam
चोर समजून ग्रामस्थांनी एका २४ वर्षीय युवकाला मारहाण केल्याची धक्कादायक घटना उमरी तालुक्यातील धानोडा गावात घडली होती. यामध्ये युवकाचा दुर्दैवी मृत्यू झाला. महिन्याभरापूर्वी घटनेत मयताची ओळख पटवणे पोलिसासमोर आवाहन बनले होते, मात्र पोलिसांनी नेटग्रीड प्रणाली वापरून मयताची ओळख पटवून खुनाचा गुन्हा दाखल केला.चोर समजून ग्रामस्थांनी एका २४ वर्षीय तरुणाला मारहाण केल्याची धक्कादायक घटना उमरी तालुक्यातील धानोडा गावात घडली होती. यामध्ये तरुणाचा दुर्दैवी मृत्यू झाला. महिन्याभरापूर्वी घटनेत मयताची ओळख पटवणे पोलिसासमोर आवाहन बनले होते, मात्र पोलिसांनी नेटग्रीड प्रणाली वापरून मयताची ओळख पटवली आणि खुनाचा उलगडा केला आहे. याप्रकरणी पोलिसांनी चार जनांविरोधात गुन्हा दाखल केला आहे. त्यातील दोन आरोपी अल्पवयीन असल्याची माहिती आहे.
उमरी तालुक्यातील धानोरा येथे १० मे ला एका युवकाचा मृतदेह संशयास्पद स्थितीत आढळून आला होता. मृतदेहाच्या शरीरावर अनेक जखमा होत्या. उमरी पोलिसांनी गुन्हा दाखल करत तपास सुरु केला. पण पंधरा दिवस उलटले तरी युवकाची ओळख न पटल्याने तपास पुढे सरकत नव्हता. अखेर अत्यंत महत्वाच्या तपासात वापरली जाणारी नेटग्रीड प्रणाली पोलीस अधीक्षकांनी परवानगी घेऊन वापरली. नेटग्रीडमुळे युवकाचा तपास लागला आणि तो युवक हैदराबाद मधील शेख फरदीन असल्याचे निष्पन्न झाले आहे.ओळख पटल्यानंतर पोलिसांनी हैदराबाद येथे जाऊन मयताच्या नातेवाईकांचा शोध घेतला. पोलिसांनी तपासाला गती दिली, तेव्हा या प्रकरणात धक्कादायक कारण समोर आले. १० मे ला हैदराबाद येथून तो युवक उमरी तालुक्यातील धानोरा रेल्वे स्थानकावर उतरला होता. गावात अनोळखी व्यक्ती फिरत असल्याने ग्रामस्थांनी त्याला हुसकावून लावले. पुढे तो एका आखाड्यावर गेला. याठिकाणी असलेल्या काही जणांनी त्याला चोर समजून बांधून मारहाण केली. यात त्याचा मृत्यू झाल्याचे पोलीस तपासात उघड झाले. याप्रकरणी चौघांना अटक करण्यात आली असून दोन आरोपी अल्पवयीन असल्याचे पोलीस अधीक्षक अबिनाश कुमार यांनी सांगितले.दरम्यान या प्रकरणात आणखी आरोपी वाढण्याची शक्यता आहे. विशेष म्हणजे ओळख पटवण्यासाठी पोलिसांनी मयताचा चेहरा, छातीवर आणि हातावर गोंदन, अंगावरील कपडे आदीचा पुरावा घेतला होता. पोलिसांसाठी नेटग्रीड प्रणाली महत्वाची ठरत आहेत. यापूर्वी ही नांदेड पोलिसांनी तीन ते चार प्रकरणात नेटग्रीड प्रणालीचा वापर केला आहे.
