गपूरहून दिल्लीला जाणाऱ्या राजधानी एक्सप्रेसवर दगडफेक, प्रवाशांमध्ये खळबळ.

अचानक झालेल्या या हल्ल्यामुळे प्रवाशांमध्ये भीतीचे वातावरण पसरले. यावेळी घाबरलेल्या प्रवाशांनी तत्काळ रेल्वे प्रशासनाला घटनेची माहिती दिली. घटनेचे गांभीर्य लक्षात घेता काही वेळाने आरपीएफ जवान रेल्वेच्या कोच मध्ये हजर झाले.ट्रेन नंबर 22691 या राजधानी एक्सप्रेसवर काही अज्ञातांनी काल रात्री(20 जून) दगडफेक केली. दिल्लीकडे रवाना झालेल्या या ट्रेनवर हबीबगंजजवळ दगडफेक झाल्याचे वृत्त आहे. अचानक झालेल्या या हल्ल्यामुळे प्रवाशांमध्ये भीतीचे वातावरण पसरले. यावेळी घाबरलेल्या प्रवाशांनी तत्काळ रेल्वे प्रशासनाला घटनेची माहिती दिली. घटनेचे गांभीर्य लक्षात घेता काही वेळाने आरपीएफ जवान रेल्वेच्या कोच मध्ये हजर झाले. त्यांनी रेल्वेच्या डब्यांची पाहणी केली आणि नुकसान झालेल्या डब्यांच्या काचांची दुरुस्ती करून गाडीला हिरवा कंदील दाखवला. या सगळ्या गदारोळात नागपूरहून दिल्लीकरिता वेळेत निघालेली राजधानी एक्सप्रेस तब्बल दोन तास रखडली.मिळालेल्या माहितीनुसार, ट्रेन नंबर 22691 ही नागपूरहून सुटणारी राजधानी एक्स्प्रेस तिच्या वेळापत्रकानुसार दिल्लीकरिता रवाना झाली.

रात्रीची वेळ असल्याने प्रवासी त्यांचे जेवण करत होते. दरम्यान, हबीबगंज परिसरातून जात असताना काही अज्ञातांनी ट्रेनवर दगडफेक करण्यास सुरुवात केली. अचानक झालेल्या या हल्ल्यामुळे ट्रेनमधील प्रवाशांमध्ये एकच गोंधळ उडाला. याचवेळेस एका कोच मध्ये काच फुटून दगड थेट प्रवाशांच्या जेवणाच्या ताटात पडला.अचानक झालेल्या या हल्ल्यामुळे ट्रेनच्या कोचमध्ये आरडाओरड सुरू झाली. परंतु काही प्रवाशांनी प्रसंगावधान राखून रेल्वे ॲपच्या सहाय्याने रेल्वे प्रशासनाकडे मदतीसाठी विनंती पाठवली. घटनेचे गांभीर्य लक्षात घेऊन रेल्वे प्रशासनाने आरपीएफ जवांनाना पाचारण केले. काही वेळातच अरपीफच्या जवानांनी रेल्वेचा ताबा घेतला. आणि नुकसान झल्येल्या कोचची पाहणी केली. ज्या कोचच्या काच फुटल्या होत्या त्या दुरुस्त करण्यात आल्या.

सर्व पाहणी केल्यानंतर आणि खात्री करून ट्रेनला पुन्हा राजधानी दि दिशेने रवाना करण्यात आले.काहि समाजकंटक जाणून बूजून अशा घटना घडवत असतात. त्यांच्या अशा घातपाती कारवायांमुळे निष्पाप प्रवाशांचा जीव धोक्यात येतो. अशा समाजकंटकांना पकडुन त्यांना कठोरात कठोर शिक्षा व्हावी अशी मागणी प्रवाशांकडून सातत्याने केली जाते. ट्रेनवर दगडफेक करण्याचा हा प्रकार फार पूर्वीपासून होत आहे. विशेषतः लांबपल्ल्याच्या गाडीमधून प्रवास करताना प्रवाशांनी जीव मुठीत घेऊन प्रवास करावा लागतो. त्यामुळे अशा घटनांना आळा बसला पाहिजे आणि गुन्हेगारांना कठोर शिक्षा झाली पाहिजे अशी प्रवाशांची मागणी जोर धरू लागली आहे.