१११ पुरुष, १२ बायका आणि नोटांची बंडलं, दीडशे पोलिसांनी छापा टाकला अन्…. पुणे फेक कॉल सेंटर प्रकरणाची संपूर्ण इन्साईड स्टोरी.

२४ मे २०२५, शनिवारी रात्री १० वाजताची वेळ. सगळीकडे किर्रर्रर्रर्र काळोख. अशा अंधाऱ्या रात्री पुणे शहराचा वेग काहीसा मंदावला होता. लोकं झोपायला जाण्याची तयारी करत होते. आणि अशातच खर्डी परिसरातील एका इमारतीखाली पोलिसांचा ताफा हजर झाला. एक एक करून, सुमारे १५० पोलिस गाड्यांमधून खाली उतरले आणि इमारतीकडे वेगाने धावले. पुण्यातल्या बनावट कॉलसेंटरची संपूर्ण ईन्साइड स्टोरी जाणून घेऊया.२४ मे २०२५, शनिवारी रात्री १० वाजताची वेळ. सगळीकडे किर्रर्रर्रर्र काळोख. अशा अंधाऱ्या रात्री पुणे शहराचा वेग काहीसा मंदावला होता. लोकं झोपायला जाण्याची तयारी करत होते. आणि अशातच खर्डी परिसरातील एका इमारतीखाली पोलिसांचा ताफा हजर झाला. एक एक करून, सुमारे १५० पोलिस गाड्यांमधून खाली उतरले आणि इमारतीकडे वेगाने धावले. पोलिसांचे हे पथक थेट ९ व्या मजल्यावरील एका कार्यालयात पोहोचले आणि तिथे उपस्थित असलेल्या लोकांना त्यांचे काम ताबडतोब थांबवण्यास सांगितले.इमारतीबाहेर गोंधळ वाढला होता. पण काय घडले हे कोणालाही समजत नव्हते. रात्रभर सुरू असलेल्या ऑपरेशननंतर, हे पोलिस पथक १२३ लोकांना सोबत घेऊन खाली उतरले. यामध्ये १२ महिला आणि १११ पुरुषांचा समावेश होता. सर्वांचे चेहरे रुमालाने झाकलेले होते. यासोबतच पोलिसांच्या हातात मोठ्या प्रमाणात लॅपटॉप, मोबाईल फोन, राउटर आणि नोटांचे बंडल होते.पोलिसांनी एका बनावट कॉल सेंटरचा पर्दाफाश केला होता. जे गेल्या एक वर्षापासून अमेरिकन नागरिकांना डिजिटल पद्धतीने अरेस्ट करून त्यांची सायबर फसवणूक करत होते.

हे कॉल सेंटर ९ व्या मजल्यावर मॅग्नाटेल बीपीएस अँड कन्सल्टंट्स एलएलपी या नावाने चालवले जात होते. पोलिसांना त्यांच्या खबऱ्यांकडून या कॉल सेंटरबद्दल गुप्त माहिती मिळाली. त्यानंतर ही कारवाई आखण्यात आली.ही कारवाई एसीपी गणेश इंगळे, वरिष्ठ निरीक्षक स्वप्नाली शिंदे, शब्बीर सय्यद आणि अजय वाघमारे यांच्यासह १५० हून अधिक पोलिसांनी केली. १० तासांच्या छाप्यानंतर पोलिसांनी घटनास्थळावरून ६४ लॅपटॉप, ४१ मोबाईल फोन, चार राउटर आणि १३.७४ लाख रुपये रोख जप्त केले. जप्त केलेल्या लॅपटॉपमध्ये पोलिसांना संशयास्पद ऑनलाइन ॲप्लिकेशन्स, व्हीपीएन सॉफ्टवेअर आणि लाखो अमेरिकन नागरिकांचा डेटा आढळला.पोलिसांनी सांगितले की, हा गेम खेळणारे ८ मास्टरमाइंड आहेत, त्यांपैकी पाच जणांना अटक करण्यात आली आहे. तर तिघांचा शोध सुरू आहे. या सर्वांविरुद्ध सायबर पोलिस स्टेशनमध्ये भारतीय दंड संहितेच्या कलम ३१६ (२), ३१८ (४), ६१ (१), ३ (५) आणि आयटी कायद्याच्या कलमांखाली गुन्हा दाखल करण्यात आला आहे. अटक करण्यात आलेल्या मुख्य आरोपींमध्ये सरजीत सिंह शेखावत, अभिषेक पांडे, श्रीमय परेश शाह, लक्ष्मण शेखावत आणि आरोन ख्रिश्चन यांचा समावेश आहेपोलिसांनी सांगितले की, राजस्थानचे करण शेखावत, केतन रमाणी आणि संजय मोरे यांचा शोध घेतला जातोय. याशिवाय, सायबर घोटाळ्यातील त्यांची खरी भूमिका तपासण्यासाठी पोलिस शंभराहून अधिक कॉल सेंटर कर्मचाऱ्यांची चौकशी करत आहेत.

कर्मचाऱ्यांच्या सहभागाच्या आधारे त्यांच्यावर कायदेशीर कारवाई केली जाईल, असे पोलिसांनी सांगितले.सह पोलिस आयुक्त रंजन कुमार शर्मा यांनी पत्रकार परिषदेत सांगितले की, प्राथमिक तपासात असे दिसून आले आहे की येथे काम करणाऱ्या लोकांना दररोज सुमारे एक लाख अमेरिकन नागरिकांचा डेटा दिला जात होता. पोलिसांनी सांगितले की, या लोकांनी व्हीपीएन सॉफ्टवेअर आणि कॉलर माइकचा वापर करून या अमेरिकन नागरिकांना त्यांच्या व्हॉट्सॲप नंबरवर कॉल केले.पोलिसांच्या म्हणण्यानुसार, कॉल सेंटरच्या कर्मचाऱ्यांनी, स्वतःला अमेरिकन सुरक्षा किंवा पोलिस अधिकारी म्हणून सादर करून, अमेरिकन नागरिकांना धमकी दिली की त्यांना अटक केली जाईल कारण त्यांच्या खात्यांचा वापर ड्रग्ज तस्करीसाठी केला जात होता. त्यानंतर, कायदेशीर कारवाई टाळण्यासाठी, अमेरिकन लोकांना गिफ्ट कार्ड खरेदी करण्यास सांगितले गेले.हे गिफ्ट कार्ड नंतर अमेरिकन डॉलर्समध्ये रूपांतरित केले गेले आणि हवालाद्वारे कॉल सेंटर रॅकेटमध्ये हस्तांतरित केले गेले. पोलिसांनी सांगितले की, अटक करण्यात आलेले बहुतेक आरोपी फक्त १२ वी किंवा त्याहूनही कमी शिकलेले आहेत. चौकशीत असे आढळून आले की, कर्मचाऱ्यांना त्यांच्या कामाचा पगार रोख स्वरुपात देण्यात आला. येथे काम करणारे बहुतेक लोक उत्तर आणि ईशान्येकडील राज्यांमधील आहेत, जे अमेरिकन नागरिकांशी चांगले इंग्रजी बोलू शकतात.मुख्य आरोपीने त्याच्या विश्वासू लोकांमार्फत सुमारे २५,००० रुपये पगारावर कर्मचाऱ्यांना या अटीवर कामावर ठेवले की ते पुण्यातील कॉल सेंटरमधून होणाऱ्या बेकायदेशीर कारवाया उघड करणार नाहीत. अमेरिकन लोकांना फसवण्यासाठी शंभराहून अधिक कर्मचाऱ्यांची भरती आणि प्रशिक्षण कसे देण्यात आले याचा तपास पोलिस आता करत आहेत.याशिवाय, या फसवणुकीच्या मास्टरमाइंडने हे कॉल सेंटर कसे स्थापन केले याचाही तपास केला जात आहे. पोलिसांनी सांगितले की, मुख्य आरोपींपैकी एकाने कॉल सेंटर चालवण्यासाठी खराडी येथील प्राइड आयकॉनमध्ये एक संपूर्ण मजला दरमहा ८ लाख रुपयांना भाड्याने घेतला होता. पोलिसांचा असा विश्वास आहे की कॉल सेंटरद्वारे दररोज सुमारे 30,000 अमेरिकन डॉलर्सचा व्यवसाय अमेरिकन नागरिकांची फसवणूक करून केला जात होता.