मनसे-उद्धवसेना एकत्रिकरणाचं काय? राज ठाकरेंचं सूचक उत्तर, निष्क्रिय नेते हेरणार, ‘टोपी’ घालणाऱ्यालाही कानपिचक्या.

राज ठाकरे यांनी स्थानिक स्वराज्य संस्थांच्या निवडणुकांकडे लक्ष वळवले आहे. या निवडणुकांपूर्वी पक्षाला उभारी देण्यासाठी राज ठाकरे सक्रिय झाले असून त्यांनी मुंबई, पुणे, ठाणे, नाशिक पट्ट्यात पक्षाची पुनर्बांधणी सुरू केली आहे. आगामी महापालिका निवडणुकांच्या पार्श्वभूमीवर नाशिक दौऱ्यावर आलेल्या मनसे अध्यक्ष राज ठाकरे यांनी सोमवारी (दि. 26) आपला नाशिक दौरा तासाभरातच गुंडाळत पुन्हा मुंबई गाठली. या दौऱ्यात ठाकरे यांनी निवडक शिलेदारांसोबत बैठक घेत निवडणुकांच्या तयारीचा कानमंत्र दिला. निष्क्रिय तसेच सक्रिय पदाधिकाऱ्यांवर आता निरीक्षक लक्ष ठेवतील अशा सूचना केल्या. तसेच मनसे आणि शिवसेनेच्या एकत्रिकरणाबाबत योग्य वेळी योग्य ती भूमिका कळवली जाईल असे सांगत, पक्षहिताचा निर्णय घेतला जाईल असा संदेश ठाकरे यांनी पदाधिकाऱ्यांना दिला. एकेकाळी नाशिक हा मनसेचा बालेकिल्ला राहिला असून, नाशिककरांनी तीन आमदार आणि महापालिकेतील सत्ता मनसेकडे सोपवली होती. परंतु, स्थानिक पदाधिकाऱ्यांमधील विसंवाद आणि गटबाजीमुळे पक्षाला मोठा फटका सहन करावा लागला. स्थानिक गटबाजीमुळे राज ठाकरेंनी नाशिकला सायडिंगला टाकले होते. लोकसभा निवडणुकीत ठाकरेंनी भाजपला बिनशर्त पाठिंबा दिला होता. विधानसभा निवडणुकीत उमेदवार रिंगणात उतरवले होते. परंतु, मनसेचे पानिपत झाले.आता ठाकरे यांनी स्थानिक स्वराज्य संस्थांच्या निवडणुकांकडे लक्ष वळवले आहे.

या निवडणुकांपूर्वी पक्षाला उभारी देण्यासाठी राज ठाकरे सक्रिय झाले असून त्यांनी मुंबई, पुणे, ठाणे, नाशिक पट्ट्यात पक्षाची पुनर्बांधणी सुरू केली आहे. या पार्श्वभूमीवर दोन आठवड्यापासून ठाकरेंच्या नाशिक दौऱ्याची चर्चा होती. ठाकरे काय कानमंत्र देतात, यासाठी पदाधिकारी आणि शाखाध्यक्ष, विभाग अध्यक्ष आणि मनसैनिक साडेनऊ वाजताच येऊन बसले होते. पक्षाच्या निर्देशामुळे सगळ्यांनी हॉटेल एसएसकेकडे धाव घेतली असली तरी त्यांची मात्र चांगलीच निराशा झाली. ठाकरेंनी तासाभराच्या दौऱ्यात निवडक शिलेदारांसोबत बैठक घेत बंद दाराआड निवडणुकीचा कानमंत्र दिला.नाशिकरोड शिवजन्मोत्सव समितीच्या वतीने ठाकरेंचा सत्कार करताना काहींनी येथे फोटोसेशन करण्याचा प्रयत्न केला. त्यातील एका कार्यकर्त्याने राज ठाकरेंनाच टोपी घालण्याचा प्रयत्न केला. त्यावर राज ठाकरेंनी प्रसंगावधान साधत, ‘काय रे मला टोपी घालतो का’ असा मिश्किल सवाल केल्यानंतर एकच हशा पिकला.

राज ठाकरे यांनी प्रदेश उपाध्यक्ष दिनकर पाटील, जिल्हाध्यक्ष अंकुश पवार, शहराध्यक्ष सुदाम कोंबडे, प्रदेश उपाध्यक्ष रतनकुमार इचम, ज्येष्ठ पदाधिकारी सलीम शेख, डॉ. प्रदीप पवार यांच्यासह निवडक पदाधिकाऱ्यांशी बंद दाराआड संवाद साधला. निवडणुकांच्या पार्श्वभूमीवर संघटनेत बदल होणार नसले तरी पक्षात सक्रिय आणि निष्क्रिय पदाधिकाऱ्यांचा शोध घेण्याचे निर्देश ठाकरेंनी दिले. तसेच प्रत्येकाच्या कामावर लक्ष ठेवण्यासाठी निरीक्षकांची नेमणूक केली जाईल असे सांगत, निरीक्षक प्रत्येकाचा अहवाल थेट राज ठाकरे यांच्याकडे देणार असल्याचे देखील पदाधिकाऱ्यांनी खासगीत सांगितले.राज ठाकरे यांनी प्रदेश उपाध्यक्ष दिनकर पाटील, जिल्हाध्यक्ष अंकुश पवार, शहराध्यक्ष सुदाम कोंबडे, प्रदेश उपाध्यक्ष रतनकुमार इचम, ज्येष्ठ पदाधिकारी सलीम शेख, डॉ. प्रदीप पवार यांच्यासह निवडक पदाधिकाऱ्यांशी बंद दाराआड संवाद साधला. निवडणुकांच्या पार्श्वभूमीवर संघटनेत बदल होणार नसले तरी पक्षात सक्रिय आणि निष्क्रिय पदाधिकाऱ्यांचा शोध घेण्याचे निर्देश ठाकरेंनी दिले. तसेच प्रत्येकाच्या कामावर लक्ष ठेवण्यासाठी निरीक्षकांची नेमणूक केली जाईल असे सांगत, निरीक्षक प्रत्येकाचा अहवाल थेट राज ठाकरे यांच्याकडे देणार असल्याचे देखील पदाधिकाऱ्यांनी खासगीत सांगितले.