दहशतवादी हल्ल्यापूर्वी पहलगाममध्ये काय करत होती ज्योती मल्होत्रा, आयएसआय एजंटशी थेट संबंध?

युट्युबर ज्योती मल्होत्राला अटक झाली आहे. तिच्यावर पाकिस्तानसाठी हेरगिरी केल्याचा आरोप आहे. ज्योतीचे पाकिस्तानमधील काही फोटो व्हायरल झाले आहेत. ती पाकिस्तानी अधिकाऱ्यांच्या पार्टीत सहभागी झाली होती. ज्योती आयएसआय एजंट दानिशच्या संपर्कात होती. तिने ऑपरेशन सिंदूरच्या वेळी काही माहिती पाकिस्तानला पुरवल्याचा संशय आहे.युट्युबर Jyoti Malhotra हिच्यावर गंभीर आरोप करण्यात आली आहेत. ज्योती मल्होत्राला पाकिस्तानसाठी हेरगिरी केल्याच्या आरोपाखाली अटक करण्यात आली आणि एकच खळबळ उडाली. तिचे पाकिस्तानमधील काही फोटो आणि व्हिडीओ व्हायरल होत आहेत. पाकिस्तान अधिकाऱ्यांच्या पार्टीत देखील ज्योती सहभागी झाल्याचे दिसतंय. ज्योती मल्होत्रा जानेवारी २०२५ मध्ये पहलगामला गेली होती, हेच नाही तर Operation Sindoor भारतात सुरू असताना ती काही माहिती पाकिस्तानला पुरवत असल्याचा संशय आहे. सध्या तिची कसून चाैकशी सुरू असतानाच काही धक्कादायक खुलासे पुढे आली आहेत.

ज्योती मल्होत्रा ही ISI Agent असलेल्या दानिशच्या संपर्कात होती. दानिशच्या माध्यमातूनच पाकिस्तानला काही महत्वाची माहिती पुरवल्याचा आरोप ज्योतीवर आहे. त्यामध्येच एसपी वैद्य यांनी सोशल मीडियावर ज्योती मल्होत्राचा एक व्हिडिओ शेअर केला आहे. त्यासोबत त्यांनी लिहिले आहे की, असा योगायोग कसा काय की, यूट्यूबर ज्योती मल्होत्रा जानेवारी २०२५ मध्येच पहलगामला गेली होती? तिला पाकिस्तानी उच्चायोगातील दानिशने Honeytrap केले, जो कदाचित ISIशी संबंधित आहे.गुप्तचर संस्था आता ज्योती मल्होत्रा हिच्या प्रकरणानंतर अलर्ट मोडवर आहे. ज्योती मल्होत्राने पाकिस्तानी ISI एजंटला बॉयफ्रेंड बोलावल्याचेही बोलले जातंय. याप्रकरणी मोठे खुलासे देखील होऊ शकतात. इतकेच नाही तर दानिशनेच बालीला जाण्याचा संपूर्ण खर्च ज्योतीला दिला होता. ज्योतीने नेमकी भारताची कोणती माहिती पाकिस्तानमध्ये पाठवली, याचा शोध घेतला जातोय. काही धक्कादायक संभाषण तिच्या मोबाईलमध्ये आढळून आले आहे.हैराण करणारे म्हणजे ज्योती मल्होत्रा ही अगोदर पाकिस्तानमध्ये गेली आणि त्यानंतर ती लगेचच चीनमध्येही गेली. ज्यावेळी भारतामध्ये ऑपरेशन सिंदूर सुरू होते, त्यावेळी ती दानिशच्या संपर्कात होती आणि तिने काही संवेदनशिल माहिती पाठवली का? याचा तपास सुरू आहे. ज्योती मल्होत्रा हिचे पाय खोलात असल्याचे स्पष्ट होताना दिसत आहे, तिच्या इंस्टा अकाऊंटवरही मोठी कारवाई करण्यात आली आहे. ज्योती मल्होत्रा हिची काही वेळ चाैकशी करण्यात आली आणि त्यानंतर तिला अटक करण्यात आले. या घटनेने मोठी खळबळ उडालीये.