पैशांचा पाऊस पडेल, अर्ध्यारात्री नग्नपूजा, गुंगीचं औषध अन् तीन अल्पवयीन मुलींसोबत घाणेरडं कृत्य; नागपुरात संताप.

नागपुरात अंधश्रद्धेचा किळसवाणा प्रकार उघडकीस आला आहे. येथे भोंदूबाबाने पैशांचा पाऊस पाडण्याचं आमिष देत नग्न पूजेचा बनाव रचला आणि तीन अल्पवयीन मुलींवर अत्याचार केल्याचं समोर आलं आहे. याप्रकरणी पोलिसांनी पाच जणांनवा अटक केली आहे, यामध्ये एका महिलेचाही समावेश आहे.नागपूर शहरात अंधश्रद्धेच्या नावाखाली एक घृणास्पद प्रकार उघडकीस आला आहे. पैशांचा पाऊस पाडण्याचे आमिष दाखवून एका भोंदूबाबाने मध्यरात्री नग्न पूजा करण्याचा बनाव रचला आणि या दरम्यान तीन अल्पवयीन मुलींवर अत्याचार केला. या संतापजनक घटनेमुळे शहरात खळबळ उडाली असून, पोलिसांनी तात्काळ कारवाई करत पाच आरोपींना अटक केली आहे. अटक केलेल्या आरोपींमध्ये एका महिलेचाही समावेश आहे.याप्रकरणी मिळालेल्या माहितीनुसार, ही घटना तीन दिवसांपूर्वी घडली आहे. या प्रकरणातील मुख्य आरोपी भोंदूबाबा असून त्याचे खरे नाव अब्दुल कुरैशी उर्फ कुणाल मदने (कनवर्टेड) आहे आणि तो मानकापूर पोलीस ठाण्याच्या हद्दीत राहतो. दुसरा आरोपी आशू उर्फ अश्लेष कोचे कपिलनगर पोलीस ठाणे परिसरात राहतो आणि त्याच्यासोबत असलेली त्याची मैत्रीण गायत्रीही या गुन्ह्यात सहभागी आहे. या दोघांव्यतिरिक्त आणखी दोन जणांना पोलिसांनी अटक केली आहे, ज्यांनी मुलींचा शोध घेण्यासाठी मदत केली होती.

पोलिसांनी दिलेल्या माहितीनुसार, अब्दुल कुरैशी नावाच्या भोंदूबाबा याने असा दावा केला होता की मध्यरात्री नग्न पूजा केल्यास पैशाचा पाऊस पडेल. या नग्न पूजेसाठी अल्पवयीन मुलींची आवश्यकता असल्याचे त्याने आशू उर्फ अश्लेष कोचे आणि त्याच्या साथीदारांना सांगितले. पैशाच्या हव्यासापोटी अश्लेष कोचे आणि त्याच्या महिला मैत्रीण गायत्रीने त्यांच्या दोन मित्रांच्या मदतीने गरीब कुटुंबातील तीन अल्पवयीन मुलींना हेरले. त्यांनी मुलींना पैशांचे आमिष दाखवले आणि पूजेच्या नावाखाली मानकापूर पोलीस ठाण्याच्या हद्दीतील या भोंदूबाबाच्या घरी आणले. रविवारी मध्यरात्री या ठिकाणी भोंदूबाबाने नग्न पूजेचा केवळ देखावा केला नाही, तर त्या या निष्पाप मुलींवर अत्यंत घृणास्पद अत्याचार केले. या गंभीर घटनेनंतर पोलिसांनी तातडीने पाऊले उचलत पाचही आरोपींना ताब्यात घेतले आहे.भोंदूबाबाने यापूर्वीही अशा प्रकारचे कृत्य करत असावा, असा पोलिसांना संशय आहे. मुलींचा शोध घेण्यासाठी अन्य दोन आरोपींची मदत घेतल्याने, हे कृत्य पूर्वनियोजित असल्याचे दिसते. अंधश्रद्धेचा गैरफायदा घेऊन भोंदूबाबाने आणि आशूने यापूर्वीही अशाच प्रकारचे गुन्हे केले असावेत, या दृष्टीने पोलीस तपास करत आहेत. तसेच, भोंदूबाबा सेक्स रॅकेट चालवत असल्याच्या संशयावरूनही त्याची कसून चौकशी सुरू आहे.पोलिसांनी अटक केलेल्या पाचही आरोपींना न्यायालयात हजर केले, जिथे न्यायालयाने त्यांना २५ एप्रिलपर्यंत पोलीस कोठडीत ठेवण्याचे आदेश दिले आहेत. या प्रकरणातील तिन्ही पीडित मुली अल्पवयीन असल्याने, पोलीस अत्यंत संवेदनशीलतेने या प्रकरणाचा तपास करत आहेत. अत्याचाराच्या घटनेचे कोणतेही व्हिडिओ रेकॉर्डिंग झाले आहे का, याचाही पोलीस कसून शोध घेत आहेत. या घटनेमुळे नागपूर शहरात एकच खळबळ उडाली असून, अंधश्रद्धेच्या नावाखाली होणाऱ्या अशा घृणास्पद कृत्यांविरुद्ध कठोर कारवाई करण्याची मागणी जोर धरू लागली आहे.