बनावट शालार्थ आयडी घोटाळा: शिक्षण मंडळाच्या सचिवांची पोलिस चौकशीला अनुपस्थित, परीक्षेचे दिले कारण.

पोलिसांनी दिलेल्या नोटीसमध्ये म्हटले होते की, ‘मुन्ना वाघमारे यांनी केलेल्या तक्रारीवरून सदर पोलिसांनी फसवणुकीसह विविध कलमान्वये गुन्हा दाखल केला आहे. अन्य एक तक्रारदार हेमंत बांडेबुचे यांनी आपल्या विरोधात तक्रार दिली असून, काही शिक्षकांना आपण सुद्धा शिक्षक मान्यता दिल्या असून, मान्य ठरावामध्ये फेरबदल करून खोटे नियुक्तीपत्र दिले, खोटे रुजू अहवाल दिले. खोट्या बनावट नियुक्त्या, पदोन्नती दाखवून शासनाची दिशाभूल केल्याचा आरोप केला आहे.’छत्रपती संभाजीनगर विभागात परीक्षा सुरू आहेत, त्यामुळे माझे चौकशीला उपस्थित राहणे जमणार नाही’ असे सांगत छत्रपती संभाजीनगर शिक्षण मंडळाच्या सचिव वैशाली जामदार यांनी पोलिस चौकशीला उपस्थित राहणे शक्य नसल्याचे कळविले.बनावट शालार्थ आयडी तयार करून बोगस शिक्षक भरती केल्या प्रकरणी सुरू असलेल्या चौकशीत सदर पोलिस रोज वेगवेगळ्या लोकांची चौकशी करीत आहेत.काहींना नोटीस पाठवून चौकशीला बोलावत आहेत. अटकेत असलेले शिक्षण उपसंचालक उल्हास नरड यांच्यापूर्वी वैशाली जामदार या नागपूरच्या विभागीय शिक्षण उपसंचालक होत्या. एका तक्रारीच्या अनुषंगाने सदर पोलिसांनी त्यांना चौकशीसाठी उपस्थित राहण्याची नोटीस बजावली होती.पोलिसांनी दिलेल्या नोटीसमध्ये म्हटले होते की, ‘मुन्ना वाघमारे यांनी केलेल्या तक्रारीवरून सदर पोलिसांनी फसवणुकीसह विविध कलमान्वये गुन्हा दाखल केला आहे.

अन्य एक तक्रारदार हेमंत बांडेबुचे यांनी आपल्या विरोधात तक्रार दिली असून, काही शिक्षकांना आपण सुद्धा शिक्षक मान्यता दिल्या असून, मान्य ठरावामध्ये फेरबदल करून खोटे नियुक्तीपत्र दिले, खोटे रुजू अहवाल दिले. खोट्या बनावट नियुक्त्या, पदोन्नती दाखवून शासनाची दिशाभूल केल्याचा आरोप केला आहे. त्यामुळे सदर गुन्ह्यांच्या अनुषंगाने आपल्या कार्यालयात किंवा आपणांद्वारे सुचविण्यात आलेल्या ठिकाणी किंवा सदर पोलिस ठाण्यात आपण सकाळी ११ वाजता चौकशीसाठी हजर राहावे’, असे पोलिसांनी दिलेल्या नोटीसमध्ये म्हटले होते.जामदारांचे चौकशीला हजर राहणे जमले नाही. विभागात परीक्षा असल्याने जमत नसल्याचे त्यांनी सांगितले. ‘तुम्हाला ज्या दिवशी शक्य होईल, तो दिवस कळवा’, असे त्यांना सांगण्यात आल्याचे पोलिस विभागातील सूत्रांनी सांगितले.बनावट शालार्थ आयडी घोटाळा प्रकरणात अटकेत असलेल्या आरोपींनी जामिनासाठी धडपड सुरू केली आहे. मात्र, सत्र न्यायालयाने या पाचही जणांचा जामीनअर्ज फेटाळून लावला. शिक्षण उपसंचालक उल्हास नरड यांच्यासह पराग पुडके, संजय बोदडकर, नीलेश मेश्राम आणि सूरज नाईक या पाच जणांचा यात समावेश आहे.या प्रकरणात आतापर्यंत सात जणांना अटक केली आहे. या घोटाळ्यात पहिली अटक ही विभागीय शिक्षण उपसंचालकांना करण्यात आली. त्यानंतर कार्यालयातील कर्मचाऱ्यांवरही गुन्हे दाखल करीत त्यांना अटक केली.

बनावट कागदपत्रांच्या आधारे नियुक्तीची कागदपत्रे तयार करून पदोन्नती घेणारा पराग पुडके याच्या निमित्ताने हे संपूर्ण प्रकरण उघडकीस आले.त्याने २०१७ ते २०२३ दरम्यान शहरातील यादवनगरात असलेल्या एस. के. बी. उच्च प्राथमिक माध्यमिक विद्यामंदिर शाळेचा शिक्षक असल्याची बनावट कागदपत्रे तयार केली. त्याआधारे त्याने लाखनी तालुक्यातील जेवनाळा येथील नानाजी पुडके विद्यालयात मुख्याध्यापक म्हणून पदोन्नती मिळविली. यासाठी त्याने उपसंचालकांच्या माध्यमातून शालार्थ आयडी तयार केला. मात्र, त्यासाठी त्याला उपसंचालकांसह नागपूर आणि भंडाऱ्यातील शिक्षणाधिकाऱ्यांचीही मदत झाली, असा आरोप आहे. यातील पाच आरोपींनी दाखल केलेल्या जामीन अर्जावर मंगळवारी सुनावणी झाली. ‘बनावट शालार्थ आयडी घोटाळ्याचा तपास क्लिष्ट आहे. आरोपीबद्दल अनेक पुरावे मिळाले आहेत. तसेच, हे आरोपी बाहेर आल्यास तपासावर त्याचा परिणाम होऊ शकतो. यामुळे, जामीन देऊ नये’, अशी विनंती राज्य शासनातर्फे न्यायालयाला करण्यात आली. यासह अन्य मुद्दे ग्राह्य धरून न्यायालयाने जामीन नाकारला. सोमवारी माध्यमिक शिक्षणाधिकारी रोहिणी कुंभार, प्राथमिक शिक्षणाधिकारी सिद्धेश्वर काळुसे, वेतनपथक अधीक्षक नीलेश वाघमारे, माजी शिक्षणाधिकारी आणि शिक्षण मंडळ कार्यालयातील रवींद्र काटोलकर, सहाय्यक शिक्षण संचालक दीपेंद्र लोखंडे यांना अटकपूर्व जामीन मंजूर केला होता.