जम्मू-काश्मीरमध्ये मोठा दहशतवादी हल्ला; पर्यटक लक्ष्य, ६ जखमी; लष्कराकडून सर्च ऑपरेशन.

जम्मू-काश्मीरच्या पहलगाममध्ये मोठा दहशतवादी हल्ला झाला आहे. या हल्ल्यात सहा पर्यटक जखमी झाले आहेत. पहलगाम परिसरात पर्यटकांची कायम गर्दी असते. दरवर्षी लाखो पर्यटक या भागाला भेट देतात.श्रीनगर: जम्मू-काश्मीरच्या पहलगाममध्ये मोठा दहशतवादी हल्ला झाला आहे. या हल्ल्यात सहा पर्यटक जखमी झाले आहेत. पहलगाम परिसरात पर्यटकांची कायम गर्दी असते. दरवर्षी लाखो पर्यटक या भागाला भेट देतात. मार्चमधील बर्फवृष्टीनंतर या भागात पर्यटकांची मोठी गर्दी असते.पहलगामच्या एका डोंगरावर पर्यटक ट्रेकिंगला येतात. तिथेच दहशतवाद्यांनी हल्ला केला आहे. लपून बसलेल्या दहशतवाद्यांनी पर्यटकांवर गोळीबार केला. त्यात दोन पर्यटक जखमी झाले आहेत. अन्य पर्यटक सुरक्षित आहेत. सुरक्षा दलांनी परिसरात शोध मोहीम सुरु करण्यात आली आहे. दहशतवाद्यांकडून झालेल्या गोळीबारामुळे भीतीचं वातावरण आहे.

गेल्या काही वर्षांत अशा प्रकारची गोळीबाराची घटना घडली नव्हती. दहशतवाद्यांनी पर्यटकांना लक्ष्य करण्याची ही गेल्या वर्षींतील पहिलीच घटना आहे. ३ जुलैपासून अमरनाथ यात्रेला सुरुवात होणार आहे. त्याआधी झालेला दहशतवादी हल्ला जम्मू-काश्मीरमधील सुरक्षा व्यवस्थेवर प्रश्नचिन्ह निर्माण करणारा आहे.दहशतवादी हल्ल्यानंतर सुरक्षा दलाच्या जवानांनी सुत्रं हाती घेतली आहेत. लष्करी जवानांनी डोंगराळ भागाला वेढा घातला आहे. जखमी पर्यटकांना उपचारांसाठी रुग्णालयात पाठवण्यात आलं आहे. जखमींपैकी दोघांची प्रकृती गंभीर आहे. याआधी १४ एप्रिलला सुरक्षा दलांनी जवळपास २५ दिवस चाललेल्या दहशतवाद विरोधी मोहिमेनंतर किश्तवाड जिल्ह्यातील छत्रू वन क्षेत्रात एका सुनियोजित दहशतवादी ठिकाण शोधून काढलं होतं. पाकिस्तानस्थित जैश-ए-मोहम्मदशी संबंधित दहशतवाद्यांकडून या ठिकाणाचा वापर केला जात होता. दिर्घकाळ मुक्काम करण्यासाठी या भागाचा वापर लॉन्चिंग पॅड म्हणून केला जात होता. त्यातून संघटनेच्या तयारीचा अंदाज आला होता.अधिकाऱ्यांनी दिलेल्या माहितीनुसार, मारल्या गेलेल्या दहशतवाद्यांनी छत्रूच्या घनदाट जंगलांमध्ये मु्क्कामाची सोय केली होती. त्यात दिर्घकाळ मुक्काम करण्यासाठी आवश्यक असलेल्या सगळ्या सुविधा होत्या. दैनंदिन गरजेची उपकरणं, कुराणसह अन्य धार्मिक ग्रंथ, १०-१५ दिवस पुरेल इतका अन्नसाठा या ठिकाणी सापडला. याशिवाय वाय-फाय सेटअप, सौर पॅनल, जीपीएस डिव्हाईस यासोबतच एक भूमीगत रस्तादेखील इथे होता. प्रदिर्घ काळ लपून राहण्यासाठी ही सगळी सोय करण्यात आली होती.