लग्न ठरलेल्या मुलीने बॉयफ्रेंडच्या घरात संपवलं जीवन? कुटुंबियांचा गंभीर आरोप.

 जालना जिल्ह्यातील फत्तेपूर येथे एका १८ वर्षीय अविवाहित तरुणीला आत्महत्येस प्रवृत्त केल्याप्रकरणी पाच जणांवर गुन्हा दाखल करण्यात आला आहे. विशाल आघाम या तरुणाने लग्नाची धमकी दिल्याने तिने त्याच्या घरी आत्महत्या केली. नातेवाईकांनी खुनाचा आरोप करत ठिय्या आंदोलन केले, त्यानंतर हा गुन्हा दाखल झाला. पोलिसांनी तपास सुरू केला असून गावात शोकाकुल वातावरणात अंत्यसंस्कार पार पडले.भोकरदन तालुक्यातील फत्तेपूर येथील अविवाहित मुलीला आत्महत्येस प्रवृत्त केल्याप्रकरणी पाच जणांवर गुन्हा दाखल करण्यात आला. हि घटना रविवारी (दि.२०) दुपारी १ वाजेदरम्यान घडली आहे. (वय १८ वर्ष रा. फत्तेपुर ता. भोकरदन जि. जालना) आत्महत्या केलेल्या मुलीचे नाव आहे. दरम्यान याप्रकरणी मृत मुलीचे नातेवाईक व ग्रामस्थांनी खुनाचा गुन्हा दखल करण्यासाठी भोकरदन पोलिस ठाण्यात ठिय्या आंदोलन केले.

मात्र, रात्री उशिरा पोलिस ठाण्यात रेखा दिपक चव्हाण (वय ३८ वर्षे व्यवसाय – मजुरी रा. फत्तेपुर दत्तानगर ता. भोकरदन) यांच्या फिर्यादीवरून विशाल बल्लु आघाम, शिला बल्लु आघाम, अर्जुन बल्लु आघाम याच्यासह दोघांवर आत्महत्या प्रवृत्त केले म्हणून गुन्हा दाखल करण्यात आला आहे.फत्तेपुर येथील विशाल आघाम यांचे मयत तरूणीसोबत मैत्री संबध होते. दुसऱ्या मुलाशी लग्न ठरल्याने याचा राग विशालने मनामध्ये धरुन तिला तुझी समाजामध्ये बदनामी करतो आणि तु लग्न केलीस तर तुला जिवे ठार मारतो अशी धमकी दिली होती. त्याच्या आईने माझ्या मुलाचे लग्न झालेले असताना तु माझ्या मुलासोबत बोलते तु मला पुन्हा दिसली तर तुझी बदनामी करील असे सांगुन धमकी दिली होती.बदनामी करण्याची धमकी दिल्याने बदनामीस घाबरुन मुलीने त्यांच्या जाचाला कंटाळुन त्याच्या घरी येऊन स्वत: संपवलं. आत्महत्येस प्रवृत्त केल्याने विशाल बल्लु आघाम, शिला बल्लु आघाम, अर्जुन बल्लु आघाम याच्यांसह दोघांवर गुन्हा दाखल करण्यात आला . पुढील तपास पोलिस उपनिरीक्षक कुकलारे हे करीत आहे. दरम्यान फत्तेपुर येथे सोमवारी (दि.२१) सकाळी ११ वाजता शोकाकुल वातावरणात मयत तरूणीचा दफनविधी करण्यात आली. पश्चात आई, सहा बहीणी, एक भाऊ असा परिवार आहे.फत्तेपूरमधील मयत तरूणीचा गावातीलच विशाल बल्लू आघाम (वय २२) यांच्या घरी संशयास्पद मृत्यू झाला. दरम्यान विशाल व त्यांच्या आईने आमच्या घरी तिने गळफास लावून आत्महत्या केल्याचे पोलिसांना सांगितले. यावरून पोलिसांनी पंचनामा केला. मात्र, दुपारी मुलीच्या नातेवाईकांनी विशाल आघाम व त्यांच्या आईवर खून केल्याचा आरोप केला. खूनाचा गुन्हा दाखल करण्यासाठी मुलीचे नातेवाईक व ग्रामस्थांनी भोकरदन ठाण्यासमोर ठिय्या आंदोलन केले.