ऑस्कर विजेत्या संगीतकारावर छळाचे आरोप, रिॲलिटी शोवर भडकली गायिका.

लोकप्रिय रिॲलिटी शोमध्ये सहभागी झालेल्या एका गायिकेने ऑस्कर विजेत्या भारतीय संगीतकारावर छळाचे गंभीर आरोप केले आहेत.दाक्षिणात्य संगीत विश्वातून एक खळबळजनक वृत्त समोर आले आहे. ‘पडुथा तियागा’सारख्या रिॲलिटी शोसाठी प्रसिद्ध असलेल्या एका गायिकेने संगीत विश्वातील दिग्गज मंडळींवर छळाचा आरोप केला आहे. गायिका असे या गायिकेचे नाव असून, तिने ऑस्कर विजेते संगीतकार एमएम कीरावनी, गीतकार चंद्रबोस आणि गायिका सुनीता यांच्यासह संगीत उद्योगातील प्रमुख व्यक्तींवर गंभीर आरोप केले. सोशल मीडियावर शेअर केलेल्या व्हिडिओमध्ये तिने या कार्यक्रमातील तीन परिक्षकांवर अपमानास्पद टिप्पणी केल्याचा आणि पक्षपातीपणाद्वारे छळ केल्याचा आरोप केला.गायिकेचा असा दावा आहे की, एमएम कीरावानी यांनी तिला चांगले गुण तेव्हाच दिले, जेव्हा तिने त्यांची गाणी गायली.

प्रवास्तीने असा आरोप केला आहे की, ती लग्नात गाण्यांचे सादरीकरण करते असे जेव्हा तिने सांगितले, तेव्हा कीरावानी यांनी असे उत्तर दिले की त्यांना असे गायक केवळ आवडत नाहीत असे नाही, तर ते त्यांचा द्वेष करतात. तर चंद्रबोस यांच्याबद्दल, प्रवास्तीने आरोप केला की त्यांनीदेखील स्वतःच्या गाण्यांवरुंन स्पर्धकांचे परिक्षण केले. त्यांची गाणी गाणाऱ्यांना पसंती दिली आणि इतरांना वगळले. कीरावनी आणि चंद्रबोस यांच्यावर तिने पक्षपातीपणाचे आरोप केले, तर गायिका सुनीता यांनी अपमानास्पद टिप्पणी करून मानसिक त्रास दिल्याचा आरोप प्रवास्तीने केला आहे. प्रवास्तीने आणखी एक खळबळजक दावा केला की, शोच्या निर्मिती टीमने तिला अनेकदा पोट उघडे राहील, असे कपडे घालण्यासाठी दबाव आणला होता.

ज्यामुळे तिला नेहमी अस्वस्थ वाटायचे.एमएम कीरावनी एक प्रसिद्ध भारतीय संगीतकार, गायक आणि गीतकार आहेत ज्यांनी तेलुगू, हिंदी आणि इतर भारतीय भाषांमधील चित्रपटांमध्ये योगदान दिले आहे. १९६१ मध्ये जन्मलेल्या कीरावानी यांनी १९९० च्या दशकात आपल्या कारकिर्दीला सुरुवात केली आणि तेव्हापासून त्यांनी ‘बाहुबली’ चित्रपट सीरिज आणि ‘आरआरआर’ सारख्या ब्लॉकबस्टर चित्रपटांसह शेकडो चित्रपटांसाठी संगीत दिले आहे. ‘आरआरआर’ मधील ‘नाटू नाटू’ या गाण्यासाठी त्यांना २०२३ मध्ये गोल्डन ग्लोब आणि ऑस्कर सारखे पुरस्कार मिळाले.