26/11 हल्ल्यात काँग्रेस-राष्ट्रवादीचा हात, माधव भांडारींनी आधी खळबळ उडवली, आता म्हणतात, सरकारला 5 महिने आधीच…

 हेडली का पळून गेला किंवा इतर सगळ्या प्रश्नांची उत्तर त्यावेळेस असणाऱ्या काँग्रेस आणि राष्ट्रवादी सरकारने दिली पाहिजेत” असं माधव भांडारी म्हणाले.मुंबईवर झालेल्या हल्ल्यात काँग्रेस आणि राष्ट्रवादीचा हात होता. स्थानिक प्रशासनावर प्रभाव असलेल्या व्यक्तीच्या सहभागाशिवाय एवढा मोठा हल्ला घडू शकत नाही, असे वक्तव्य भारतीय जनता पक्षाचे उपाध्यक्ष माधव भांडारी यांनी रविवारी केल्याने एकच खळबळ उडाली होती. मात्र आता भांडारींनी यावर स्पष्टीकरण दिले आहे.”काल मी जे भाषण केलं त्याचा वेगळा अर्थ घेतला गेला. जे मी बोललो नाही ते तोंडामध्ये घातले आहे. अनेक वृत्तपत्र आणि मीडियाने पण असं काही करण्यात अर्थ नव्हता. पण 26/11 हल्ला माहिती होता की नाही त्यावेळच्या सरकारला.

एका प्रेस नोटद्वारे सरकारने हल्ला होणार असल्याची शक्यता आहे अशी माहिती दिली होती. त्यातील 85% जागेसहित माहिती होती. पाच महिने अगोदर सरकारला जर माहिती होतं हल्ला होणार आहे, तर मग ती सरकारची जबाबदारी होती हल्ला रोखण्याची. माहिती असून सुद्धा राज्य सरकारने तो हल्ला का रोखला नाही?” असा सवाल माधव भांडारी यांनी उपस्थित केला.”26/11 च्या हल्ल्यात अनेक अधिकारी आणि कर्मचारी शहीद झाले. मग आता तहव्वुर राणाला भारतात आल्यावर त्यावर चर्चा सुरू झाली त्यावेळेसच्या काँग्रेस आणि राष्ट्रवादी राज्यकर्त्यांनी यावर बोललं पाहिजे. मी कोणाचा हात आहे असं काही बोललो नाही. हेडली का पळून गेला किंवा इतर सगळ्या प्रश्नांची उत्तर त्यावेळेस असणाऱ्या काँग्रेस आणि राष्ट्रवादी सरकारने दिली पाहिजेत” असं माधव भांडारी म्हणाले.”राणाला भारतात आणल्यावर त्याची चौकशी सुरू झाली. ज्यावेळेस 26/11 घडलं त्यावेळेसच्या मुख्यमंत्र्यांची, गृहमंत्र्यांची ती जबाबदारी होती. त्यांनी ती उत्तरं द्यायला हवी होती. अजित पवार गृहमंत्री नव्हते. मी बोलल्याचा अर्थ कोणी काय काढायचा ते ज्याने त्याने ठरवावे. पण वस्तुस्थितीबद्दल वाद का?” असा प्रश्न भांडारींनी उपस्थित केला.