नंदुरबारमध्ये महायुतीत बिघाडी, ‘आगामी निवडणुकांत युती नाही,’ भाजपच्या बड्या नेत्याचं विधानं.

आम्ही आमची शक्ती फक्त आणि फक्त पक्षासाठी वापरत आलो आहोत असे सांगत आगामी स्थानिक स्वराज्य संस्थांच्या निवडणुकांमध्ये युती होणार नाही. या निवडणुकांमध्ये फक्त भाजपाचे उमेदवार जिंकणार आहेत अशी स्पष्टोक्ती भाजपच्या बड्या नेत्यानं दिली आहे.आम्ही ज्या पक्षात जातो त्या पक्षाशी एकनिष्ठ राहतो हे आतापर्यंत दाखवून दिलं आहे. आम्ही आमच्या पक्ष विरोधात प्रचार केला अशी चर्चा आमचे विरोधक पसरवत असतात परंतु आम्ही तसे केलेल नाही, जर केले असते तर पक्षाचे किमान तीन लोक पराभूत झालेले दिसले असते. आम्ही आमची शक्ती फक्त आणि फक्त पक्षासाठी वापरत आलो आहोत असे सांगत आगामी स्थानिक स्वराज्य संस्थांच्या निवडणुकांमध्ये युती होणार नाही. या निवडणुकांमध्ये फक्त भाजपाचे उमेदवार जिंकणार आहेत अशी स्पष्टोक्ती मा.मंत्री,आमदार डॉक्टर विजयकुमार गावित यांनी केली.आमदार निवासस्थानी माजी आदिवासी विकास मंत्री आमदार डॉ विजयकुमार गावित पक्षाचे प्रदेश महामंत्री अजय भोये पक्षाचे जिल्हा महामंत्री सदानंद रघुवंशी यांच्या प्रमुख उपस्थितीत भारतीय जनता पक्ष नंदुरबार तालुकाध्यक्षपदी दीपक पाटील यांची निवड करण्यात आली. याप्रसंगी जिल्हा परिषदेच्या माजी अध्यक्षा डॉ सुप्रिया गावित यांच्यासह भाजपा पदाधिकारी कार्यकर्ते मोठ्या संख्येने उपस्थित होते.

नूतन तालुका अध्यक्ष यांना माजी मंत्री आमदार डॉ विजयकुमार गावित यांनी पुढील वाटचालीसाठी शुभेच्छा दिल्या.भारतीय जनता पार्टीचे संघटन गावागावात वाढवण्यासाठी आपल्याला एकत्रित आणि संघटितपणे काम करायचे आहे. पक्षीय धोरण आणि विचार लक्षात घेऊन आपण सर्व ते कार्य करून दाखवाल; असा विश्वास व्यक्त करतानाच विजयकुमार गावित यांनी विरोधकांना जोरदार टोला लगावला. कार्यकर्त्यांना उद्देशून संबोधित करताना डॉक्टर गावित यांनी स्पष्ट सांगितले की, आगामी काळात येणाऱ्या जिल्हा परिषद निवडणुका तसेच ग्रामपंचायत व नगरपालिका निवडणुका भारतीय जनता पक्ष स्वबळावर लढविणार जिल्ह्यात कुठल्याही प्रकारे युती करणार नसल्याची माहिती आमदार डॉ विजयकुमार गावित यांनी निवासस्थानी भाजपा पदाधिकाऱ्यांना मार्गदर्शन करताना सांगितली आहे. लोकसभा आणि विधानसभेत महायुतीच्या घटक पक्षांनी भारतीय जनता पक्षाच्या उमेदवारांच्या विरोधात प्रचार केला असल्याने हा निर्णय घेण्यात आला असून आगामी काळात येणाऱ्या निवडणुकामध्ये कुठल्याही प्रकारे युती करण्यात येणार नाही. जिल्हा परिषद नगरपालिका निवडणुकीत भारतीय जनता पक्षाचाच विजय होणार; असं वक्तव्य माजी मंत्री आमदार डॉ. विजयकुमार गावित यांनी केले.आम्ही ज्या पक्षात जातो त्या पक्षाशी एकनिष्ठ राहतो हे आतापर्यंत दाखवून दिलं आहे.

आम्ही आमच्या विरोधात प्रचार केला बाजूने प्रचार केला अशा चर्चा आमचे विरोधक पसरवत असतात परंतु आम्ही तसे केलेले नाही जर केले असते तर पक्षाचे किमान तीन लोक पराभूत झालेले दिसले असते. तथापि आम्ही आमची शक्ती फक्त आणि फक्त पक्षासाठी वापरत आलो आहोत आणि पक्ष वाढीसाठीच लावणार आहोत; विजयकुमार गावित म्हणाले.नंदुरबार जिल्ह्यात महायुतीचा वाद पुन्हा उफाळून आला आहे जिल्ह्यातील स्थानिक स्वराज्य संस्थांच्या निवडणुकीत महायुतीच्या मित्रपक्षांसोबत युती न करण्याची घोषणा भाजपाचे नेते आमदार विजयकुमार गावित यांनी कार्यकर्त्या मेळाव्यात केली आहे.या कार्यकर्ता मेळाव्यात मित्र पक्षांवर युतीविरोधी काम करत विरोधकांना मदत केल्याचा आरोप माजी मंत्री विजयकुमार गावित यांनी केला आहे येणाऱ्या काळातील जिल्हा परिषद नगरपालिका आणि ग्रामपंचायत निवडणुकांमध्ये भाजपा स्वबळावर निवडणूक लढवणार असून सर्व या सर्व स्थानिक स्वराज्य संस्थांवर भाजपाची एकहाती सत्ता येईल असा विश्वास त्यांनी व्यक्त केला आहे. माजी मंत्री विजयकुमार गावित यांनी भाजपाच्या पक्ष संघटनेच्या वरिष्ठ नेत्यांच्या उपस्थितीत ही घोषणा केल्याने नंदुरबार जिल्ह्यातील महायुतीत बिघाडी झाल्याचे दिसून येत असून येणाऱ्या काळात महायुतीतील मित्रपक्ष विरोधात भाजपा असेच चित्र निर्माण होण्याची शक्यता राजकीय जाणकारांनी व्यक्त केली आहे..