रणजित कासलेंचा EVM च्या छेडछाडीचा दावा, निवडणूक आयोगानं फेटाळला, केला महत्त्वाचा खुलासा.

महाराष्ट्र निवडणूक आयोगाने रणजित कासले यांचे दावे फेटाळले आहेत. रणजीत कासले यांनी निवडणुकीदरम्यान दहा लाख रुपये आपल्या अकाउंट वर जमा करण्यात आले असल्याचे दावा केला होता.महाराष्ट्र निवडणूक आयोगाने रणजित कासले यांचे दावे फेटाळले आहेत. रणजीत कासले यांनी निवडणुकीदरम्यान दहा लाख रुपये आपल्या अकाउंट वर जमा करण्यात आले असल्याचे दावा केला होता धनंजय मुंडे यांनी EVM च्या आसपास फिरकू नये यासाठी दहा लाख रुपये दिले असल्याचा आरोप रणजीत कासले यांनी केला होता. त्यातील 7.5 लाख रुपये रक्कम परत केली असल्याचेही त्यांनी सांगितले तर उर्वरित अडीच लाख रक्कम ही खर्च झाली असल्याचे सांगितले. रणजित कासले यांनी प्रसारमाध्यमांशी बोलताना केलेल्या आरोपांवर निवडणूक आयोगाने खुलासा केला आहे.2024 च्या विधानसभा निवडणुकीदरम्यान निलंबित पोलीस अधिकारी रणजीत कासले यांना कोणत्याही प्रकारची निवडणूक ड्युटी लावण्यात आली नव्हती.

विधानसभा निवडणुकीदरम्यान त्रिस्तरीय सुरक्षा यंत्रणा राबवण्यात आली होती.केंद्रीय दल, राज्य राखीव पोलिस आणि जिल्हा पोलिसांसह मजबूत त्रिस्तरीय सुरक्षा यंत्रणेने स्ट्राँग रूमच्या सुरक्षात दैनात होती.निवडणूक प्रक्रिया 24 तास सीसीटीव्हीच्या निरीक्षणात होती तसेच अधिक पारदर्शकता आणण्यासाठी राजकीय पक्षाचे पदाधिकारी देखील या ठिकाणी तैनात होते.हे दावे/आरोप बिनबुडाचे, निराधार, दिशाभूल करणारे आणि निवडणूक प्रक्रियेवर अवास्तव शंका निर्माण करण्याच्या उद्देशाने आहेत, बीड जिल्हाधिकारी आणि एसपी यांच्या अहवालांनी याची पुष्टी केली आहे.निवडणूक निष्पक्ष, शांततेत आणि पूर्णपणे सुरक्षित पद्धतीने पार पडली. काय म्हणाले होते कासले? माझ्या अकाऊंटला मतदानाच्या दिवशी 10 लाख रुपये आले. संत बाळुमामा कंपनीतून माझ्या अकाऊंटला 10 लाख रुपये पाठवण्यात आले. ही कंपनी धनंजय मुंडे आणि वाल्मिक कराडची ही कंपनी आहे. 7.5 लाख रुपये परत केले तर 2.5 लाख राहिले आहेत. तेही मी परत करणार आहे. ईव्हीएमला छेडछाड होईल त्यापासून दूर जायचे असे सांगितले. परळीला माझी ड्यूटी होती. अपुरे मनुष्यबळ असताना मला तिथे फिरकू दिले नाही. धनंजय मुंडे नाही तर पूर्ण सरकारच चुकीच्या पद्धतीने आल्याचा दावा कासले यांनी केला.