भाजपमध्ये संघटनात्मक बदलाचे वारे; २२ एप्रिलपासून नव्या जिल्हाध्यक्षांची नेमणूक प्रक्रिया सुरु होणार.

येत्या २२ एप्रिलपासून संघटन पर्वातील पुढच्या टप्प्यात नवीन जिल्हा अध्यक्षांची निवड प्रक्रिया सुरू होणार असून त्यासाठी जिल्हानिहाय निरीक्षकांची नियुक्ती करण्यात आल्याची माहिती भाजपचे महाराष्ट्र प्रदेश कार्यकारी अध्यक्ष रवींद्र चव्हाण यांनी शुक्रवारी येथे दिली.विधानसभा निवडणुकीत ऐतिहासिक विजय मिळवल्यानंतर भाजपने आगामी स्थानिक स्वराज्य संस्थांच्या निवडणुका डोळ्यांसमोर ठेवून संघटनात्मक बदलावर आणि मजबुतीवर भर दिला आहे. त्यानुसार येत्या २२ एप्रिलपासून संघटन पर्वातील पुढच्या टप्प्यात नवीन जिल्हा अध्यक्षांची निवड प्रक्रिया सुरू होणार असून त्यासाठी जिल्हानिहाय निरीक्षकांची नियुक्ती करण्यात आल्याची माहिती भाजपचे महाराष्ट्र प्रदेश कार्यकारी अध्यक्ष रवींद्र चव्हाण यांनी शुक्रवारी येथे दिली.

या संघटन पर्वाचा आढावा भाजपचे राष्ट्रीय सरचिटणीस अरुण सिंह यांच्या उपस्थितीत घेण्यात आला. त्यावेळी आयोजित पत्रकार परिषदेत बोलताना चव्हाण यांनी जिल्हाध्यक्ष आणि मंडल अध्यक्षांच्या निवडीबाबत माहिती दिली.येत्या २० एप्रिल रोजी राज्यातील सर्व म्हणजे १ हजार १९६ मंडल अध्यक्षांची निवडणूक निरीक्षकांच्या देखरेखीत होणार आहे. यावेळी तरुणांना अधिकाधिक संधी मिळावी असा आमचा प्रयत्न राहणार आहे. भाजपमध्ये पूर्णपणे लोकशाही पद्धत राबवून ही निवड प्रक्रिया होत असते, असे चव्हाण यांनी स्पष्ट केले.दरम्यान, संघटन पर्वाअंतर्गत भाजपचे दीड कोटींहून अधिक प्राथमिक सदस्य आणि १ लाख ३४ हजारांहून अधिक सक्रिय सदस्यांच्या नोंदणीचे विक्रमी उद्दिष्ट साध्य करून महाराष्ट्र भाजपचे सदस्य नोंदणी अभियान ऐतिहासिक ठरल्याचे अरुण सिंह यांनी यावेळी सांगितले.

पक्षाच्या ७० टक्के बूथ समित्यांचे गठन झाले असून २२ एप्रिलपर्यंत एक लाखापर्यंत बूथ समित्या स्थापण्याचे उद्दिष्ट आहे.सोनिया गांधी यांचे जावई रॉबर्ट वाड्रा यांनी एका कंपनीकडून सात कोटी रुपयांना जमीन खरेदी केली. वाड्रा यांनी चार महिन्यात त्याच जमिनीची विक्री त्याच कंपनीला ५८ कोटी रुपयांना केली. चार महिन्यांत जमिनीची किंमत एवढी वाढवणारा व्यवहार केल्यावर त्याची चौकशी होणारच, असे सिंह य सांगितले.