Rajendra Nikam
पुणे स्वारगेट अत्याचार प्रकरणात आरोपी दत्तात्रय गाडे याच्याविरुद्ध पोलिसांनी न्यायालयात ८९३ पानांचे आरोपपत्र दाखल केले आहे. घटनेच्या ५२ दिवसांत दाखल केलेल्या या आरोपपत्रात ८२ साक्षीदारांची तपासणी करण्यात आली असून, पाच जणांचे जबाब नोंदवण्यात आले आहेत. आरोपी घटनास्थळी हजर असल्याच्या पुराव्यासाठी एकूण बारा पंचनामे सादर केले आहेत. यात, सीसीटीव्ही फुटेज आणि गुगल सर्च हिस्ट्रीचाही समावेश आहे.स्वारगेट अत्याचार प्रकरणात आरोपी दत्तात्रय गाडे याच्याविरोधात ८९३ पानांचे आरोपपत्र पुणे पोलिसांच्या गुन्हे शाखेने गुरुवारी प्रथमवर्ग न्यायदंडाधिकारी व्ही. ए. मकानदार यांच्या न्यायालयात दाखल केले. गुन्हा घडल्यानंतर ५२ दिवसांत आरोपपत्र दाखल करण्यात आले असून, त्यामध्ये ८२ साक्षीदार तपासून पाच साक्षीदारांचे जबाब न्यायालयात नोंदवले आहेत. एकूण बारा पंचनामे करण्यात आले असून, पाच महत्त्वाच्या पंचनाम्यांतून आरोपी गुन्ह्याच्या वेळी घटनास्थळी हजर असल्याचे थेट व परिस्थितीजन्य भक्कम पुरावे आरोपपत्रात सादर करण्यात आले आहेत.
स्वारगेट आगारात शिवशाही बसमध्ये आरोपी दत्तात्रय रामदास गाडे (वय ३७, रा. गुनाट, शिरूर) याने तरुणीवर दोन वेळा बलात्कार केल्याची घटना २५ फेब्रुवारी रोजी पहाटे पावणेसहा ते पावणेसातच्या दरम्यान घडली होती. गुन्हा केल्यावर पोबारा करून गुनाट गावी शेतात लपून बसलेल्या गाडेला पुणे पोलिसांनी तीन ड्रोन कॅमेरे, श्वान पथक आणि स्थानिक रहिवाशांच्या मदतीने जेरबंद केले. न्यायालयाने आरोपीला १२ दिवस पोलिस कोठडी सुनावली. त्यानंतर आरोपी गाडे येरवडा कारागृहात न्यायालयीन कोठडीत आहे. तपास अधिकारी शैलेश संखे यांच्या पथकाने आरोपी गाडेविरोधात पुरावे गोळा केले. सरकारी वकील भाग्यश्री डागळे-संचेती यांच्यामार्फत आरोपपत्र दाखल करण्यात आले.घटनास्थळावर केस व शर्टाचे बटण सापडले असून, रासायनिक प्रयोगशाळेच्या तपासणीत ते आरोपी गाडेचेच असल्याचे निष्पन्न झाले. आरोपी गाडे गुन्ह्याच्या दिवशी स्वारगेट बसस्थानकात पहाटेपासून होता; तसेच तो पीडितेशी बोलत होता, असे पाच प्रत्यक्षदर्शी साक्षीदारांनी पाहिले असून, त्यांचे जबाब न्यायालयात नोंदवण्यात आले आहेत. आरोपी गाडे लैंगिकदृष्ट्या सक्षम असल्याचा अहवाल ससून रुग्णालयाच्या तीन तज्ज्ञ डॉक्टरांनी दिला.
%20गांधी%20यांचे%20निधन.){kind=link}
