पाठवा ना ज्योतीला घरी, नवऱ्याची सासुरवाडीत विनवणी; विरहात वाद झाला अन् पतीचा जीव गेला.

दहा वर्षांपूर्वी ताराचंद याचे ज्योती यांच्यासोबत लग्न झाले. त्यांच्यात खटके उडायला लागले. दीड महिन्यापूर्वी ज्योती या माहेरी गेल्या.पत्नीच्या विहरामुळे तो तणावात राहायला लागला. पत्नीला परत पाठवा अशी विनवणी तो सासरच्यांना करायला लागला. विनवणी करतानाचा युवकाचा मेहुण्यासोबत वाद झाला. वाद विकोपाला गेला अन् मेहुण्याने जावायला संपविले. ही थरारक घटना नागपूरच्या यशोधरानगर पोलिस ठाण्याच्या हद्दीतील कळमना गावात घडली.
ताराचंद शिवचरण प्रजापती (वय 35, रा. गोकुलनगर, कळमना) असे मृतकाचे नाव आहे. पोलिसांनी खुनाचा गुन्हा दाखल करून मारेकरी मेहुण्याला अटक केली. राहुल दिलीप इंगळे (वय 24) असे अटकेतील आरोपीचे नाव आहे.
दहा वर्षांपूर्वी ताराचंद याचे ज्योती यांच्यासोबत लग्न झाले. त्यांच्यात खटके उडायला लागले. दीड महिन्यापूर्वी ज्योती या माहेरी गेल्या. पत्नीच्या विरहात ताराचंद तणावात राहायला लागले.

परत आणण्यासाठी ताराचंद हो नेहमी सासरी जायचा. ज्योती या परत येण्यास नकार द्यायच्या.बुधवारी रात्री साडेआठ वाजताच्या सुमारास ताराचंद हा सासरी गेला. त्याने ज्योती यांना परत चालण्यास म्हटले. यावेळी राहुल तेथे आला. माझ्या पत्नीला परत का पाठवत नाही, असे ताराचंद राहुल याला म्हणाले. दोघांमध्ये वाद झाला. वाद विकोपाला जाताच राहुलने विटेने डोके ठेचून ताराचंदची हत्या केली.घटनेची माहिती मिळताच यशोधरानगर पोलिसांचा ताफा तेथे पोहोचला. पंचनामा करून मृतदेह मेयो हॉस्पिटलकडे रवाना केला. खुनाचा गुन्हा दाखल करून पोलिसांनी राहुल याला अटक केली. त्याची पोलिस कोठडी घेण्यात आली आहे.दुसरीकडे, ‘उसने दिलेले दहा हजार रुपये चारचौघांसमोर का मागतो’ म्हणत चुलतभावाची लाकडी दांड्याने डोक्यावर प्रहार करून हत्या करण्यात आली. बुलढाणा जिल्ह्यात चिखली तालुक्यातील मंगरूळ नवघरे येथे गुरुवारी सायंकाळी साडेसहा वाजता घडली. अमोल दिगंबर मगर (३३) असे मृत युवकाचे नाव आहे.या प्रकरणी चुलतभाऊ पंकज राजेंद्र मगर (३५) याला अमडापूर पोलिसांनी अटक केली आहे. अमोल हा बुधवारी सायंकाळी साडेसहा वाजताच्या सुमारास घरातील पलंगावर आराम करीत होता. त्याचवेळी पंकज आला आणि उसने दिलेले दहा हजार रुपये का मागतो म्हणत अमोलला मारहाण करून ठार केले. घटनेचा तपास ठाणेदार निखिल निर्मळ करीत आहेत.