तब्बल ९०० हून अधिक औषधांच्या किंमती महागल्या! ; मधुमेह, हृदयविकाराच्या औषधांचाही समावेश.

मुंबई :  राष्ट्रीय औषध मूल्य नियामक प्राधिकरण अर्थात ‘नॅशनल फार्मास्युटिकल प्राइसिंग अथॉरिटी’ (NPPA) ने 1 एप्रिलपासून 900 हून अधिक आवश्यक औषधांच्या किमती 1.74 टक्क्यांपर्यंत वाढवण्याची घोषणा केली आहे. Azithromycin, Ibuprofen सह या यादीमध्ये गंभीर संसर्ग, हृदयरोग आणि मधुमेहावरील औषधांचा समावेश आहे. अशा विविध आजारावरील 900 औषधी आजपासून महागल्या आहेत.औषध किंमत नियंत्रण आदेश, 2013 (DPCO, 2013) च्या तरतुदींनुसार, अनुसूचित औषधांच्या या कमाल मर्यादा किमती दरवर्षी घाऊक किंमत निर्देशांक (WPI) (सर्व वस्तू) च्या आधारे सुधारित केल्या जातात.

आर्थिक वर्षासाठी औषधांच्या कमाल मर्यादा किंमती 250-520 250% ने वाढल्या होत्या. 1 एप्रिल 2024 पासून, सर्व कमोडिटीजमधील वार्षिक बदलावर आधारित नवीन औषधांची किरकोळ किंमतीचीही निश्चिती होते. WPI मध्ये वार्षिक बदल 2023 मधील संबंधित कालावधीच्या तुलनेत 2024 कॅलेंडर वर्षात जास्त म्हणजेच 1.74028 टक्के इतके आहे, असे नियामकाने एका निवेदनात म्हटले आहे. बिझनेस स्टँडर्डच्या वृत्तानुसार, ॲसायक्लोव्हिर सारख्या अँटीव्हायरलची किंमत 7.74 रुपये आणि 13.90 रुपये प्रति टॅब्लेट 200 मिलीग्राम आणि 400 मिलीग्राम डोससाठी असेल. मलेरियाविरोधी औषध हायड्रॉक्सीक्लोरोक्विनची त्याच्या 200 मिलीग्राम आणि 400 मिलीग्राम डोस आवृत्तीसाठी अनुक्रमे 6.47 रुपये आणि 14.04 रुपये प्रति टॅबलेटची कमाल मर्यादा असेल.

पेनकिलर ड्रग डायक्लोफेनाकची किंमत आता प्रति टॅब्लेट 2.09 रुपये असेल, इबुप्रोफेन टॅब्लेटची किंमत 0.72 रुपये आणि 1.22 रुपये प्रति टॅबलेट त्याच्या 200 मिलीग्राम आणि 400 मिलीग्राम डोस आवृत्तीसाठी असेल.टाईप- 2 मधुमेहासाठी डॅपग्लिफ्लोझिन, मेटफॉर्मिन हायड्रोक्लोराइड (एक्सटेंडेड रिलिज) आणि ग्लिमेपिराइड टॅब्लेटची किंमत सुमारे 12.74 रुपये प्रति टॅब्लेट असेल. प्रतिजैविक अजिथ्रोमायसिनची आता त्याच्या 250 मिलीग्राम (mg) आणि 500 ​​mg आवृत्तीसाठी प्रति टॅब्लेटची कमाल किंमत रु. 11.87 आणि रु. 23.98 असेल. अर्नोक्सिसिलिन आणि क्लेव्हुलेनिक ऍसिड असलेल्या ड्राय सिरपची किंमत प्रति मिली 2.09 इतकी निश्चित केली आहे. डिक्लोफेनाक (पेनकिलर): कमाल किंमत 72.09 प्रति टॅब्लेटवर आली आहे. मधुमेहावरील औषधे (डापाग्लिफ्लोझिन मेटफॉर्मिन हायड्रोक्लोराइड ग्लिमेपिराइड): सुमारे 12.74 प्रति टॅबलेट.