१५ वर्षीय अल्पवयीन मुलीला जबरदस्ती बाईकवर बसवलं, हॉटेलमध्ये नेत विश्वासघात; मित्राच्या मदतीने.

 ग्रामीण भागातून शहरी भागात दररोज विद्यार्थिनींना घरापासून पायी आपल्या गावानजीकच्या बस थांब्यापर्यंत किंबहुना त्या शाळेत किंवा कॉलेजपर्यंत जाण्याकरीता ये-जा करावी लागते. अशातच अशा घटनांमुळे परिसरात सध्या भीतीचे वातावरण निर्माण झाले आहे. या घटनेनंतर आपली मुलगी घरातून शाळेपर्यंत जात असताना तिला काही प्रमाणात आता घरातूनच सुरक्षेचे धडे देणे गरजेचे आहे.बुलढाणा जिल्ह्यातील मेहकर तालुक्यात एक खळबजनक घटना घडली. १५ वर्षीय अल्पवयीन मुलीला मित्राच्या मदतीने जबरीने मोटरसायकलवर बसवलं. त्यानंतर परिसरातील हॉटेल निवांत येथे नेत तिच्यावर अत्याचार करणाऱ्या नराधमासह आणि त्यास मदत करणाऱ्या मित्राविरुद्ध पोक्सोसह विविध कलमाने गुन्हा दाखल करण्यात आला आहे. तर दोन्ही आरोपी फरार झाले असून पोलीस त्यांचा शोध घेत आहे

१६ जानेवारी रोजी सकाळी साडेअकरा वाजेच्या दरम्यान १५ वर्षीय अल्पवयीन मुलगी शाळेत जात असताना आरोपी मोहन उर्फ राज चव्हाण (वय २०, रा. खंडाळा देवी) यांनी पिढीतेस त्याच्या मित्र ओम पल्हाड अंदाजे यांच्या मदतीने मेहकर बायपासवरील हॉटेल निवांतच्या रूममध्ये नेऊन तिच्या इच्छेविरुद्ध तिच्यावर अत्याचार केला. पीडितेच्या फिर्यादीवरून आरोपीविरुद्ध गुन्हा दाखल करण्यात आला आहे. या घटनेचा तपास डीवायएसपी प्रदीप पाटील हे करत आहे.

ग्रामीण भागातून शहरी भागात दररोज विद्यार्थिनींना घरापासून पायी आपल्या गावानजीकच्या बस थांब्यापर्यंत किंबहुना त्या शाळेत किंवा कॉलेजपर्यंत जाण्याकरीता ये-जा करावी लागते. अशातच अशा घटनांमुळे परिसरात सध्या भीतीचे वातावरण निर्माण झाले आहे. या घटनेनंतर आपली मुलगी घरातून शाळेपर्यंत जात असताना तिला काही प्रमाणात आता घरातूनच सुरक्षेचे धडे देणे गरजेचे आहे. तिचा कोणी पाठलाग किंबहुना तिला कोणी त्रास देत असेल तर त्वरित तिने आपल्या घरातील पालकांपर्यंत सांगणे गरजेचे आहे. जेणेकरून भविष्यात होणाऱ्या अशा प्रकारच्या घटनांना आळा बसेल. कारण भीतीपोटी तथा बदनामीपाई अनेक वेळा अशा घटना सुरुवातीलाच घरी सांगितल्या जात नाही आणि त्याचा पुढे मोठा परिणाम व अनर्थ होतो.