मित्रांना घरी पाठवून पत्नीवर अत्याचार करायला लावायचा, परदेशात बसून VIDEO पाहायचा

नवरा असाही असू शकतो यावर कदाचित तुमचा विश्वास बसणार नाही. पण, एका नवऱ्याने आपल्या पत्नीवर आपल्याच मित्रांना अत्याचार करण्यास भाग पाडले. इतकंच नाही तर तो याचे अश्लील व्हिडिओही बनवायचा.एका महिलेने तिच्या पतीवर अत्यंत गंभीर आरोप लावले आहेत. पती मित्रांना घरी पाठवून त्यांना महिलेवर लैंगिक अत्याचर करायला लावायचा. इतकंच नाही तर तो याचा व्हिडिओही बनवायचा, असाही आरोप महिलेने केला आहे. गेल्या तीन वर्षांपासून हे सर्व सुरु असल्याचंही महिलेने सांगितलं. उत्तर प्रदेशातील बुलंदशहर येथून ही खळबळजनक घटना समोर आली आहे. अखेर या हताश झालेल्या महिलेने न्यायासाठी एसएसपीकडे दाद मागितली आहे.

याप्रकरणी मिळालेल्या माहितीनुसार, गुलावठी पोलीस स्टेशन परिसरात राहणाऱ्या महिलेने सांगितले की, तिचा नवरा सौदी अरेबियात काम करतो आणि तिथून फोन करून त्याला त्याच्या मित्रांसोबत शारीरिक संबंध ठेवण्यासाठी दबाव टाकतो. पीडितेने सांगितले की, ती आता एक महिन्याची गरोदर आहे. पीडित महिलेने २०१० मध्ये गुलावठी, बुलंदशहर येथील तरुणाशी लग्न केले. त्यांना चार मुलंही आहेत. तिचा नवरा सौदी अरेबियात ऑटोमोबाईल मेकॅनिक म्हणून काम करतो आणि वर्षातून एक किंवा दोनदा घरी येतो.महिलेने तक्रारीत म्हटले आहे की, सुमारे तीन वर्षांपूर्वी तिचा नवरा घरी आला होता, तो त्याच्या मित्रांना सोबत घेऊन आला होता. यावेळी त्याने मित्रांना पीडितेसोबत जबरदस्तीने शारीरिक संबंध ठेवण्यास सांगितले. पीडित महिलेने याला विरोध केला असता पतीने सांगितलं की ते माझे मित्र आहेत, मला पैसे देत आहेत. त्यांना वाटेल तसं करु दे, जर तू नकार दिलास तर मी तुला घटस्फोट देईन आणि तुला सोडून देईन. यानंतर पतीने त्याच्या मित्राला जबरदस्तीने बेडरुममध्ये आणले आणि मित्राने महिलेवर जबरदस्ती केली.

तर, दुसऱ्या मित्राच्या मदतीने त्यावे याचा अश्लील व्हिडिओही बनवला. या व्हिडिओच्या आधारे पीडित महिलेला तिच्या पतीच्या मित्रांनी ब्लॅकमेल करून तिच्यावर अत्याचार केले, जर तिने ऐकलं नाही तर तिचा व्हिडिओ व्हायरल करुन अशी धमकीही तिला दिली. पीडित महिलेचे म्हणणे आहे की, तिच्या पतीचे मित्र तिच्याशी जबरदस्तीने अनैतिक संबंध ठेवायचे आणि त्याचा व्हिडीओ बनवून पतीला पाठवत असे. पीडिता ही गरीब कुटुंबातील आहे. तिला चार मुले आहेत, तिचा नवरा आणि त्याचे मित्र तिला सतत धमक्या देत होते. पती सतत तिला घटस्फोट देण्याचीही देण्याची धमकी देत होता, असंही तिने सांगितलं.अखेर या सर्व त्रासाला कंटाळलेल्या पीडितेने पोलिसांत तक्रार दाखल केली. पतीकडून होणाऱ्या अत्याचाराची वाच्यता करणारा एक व्हिडिओ या महिलेने तयार केला आहे. या व्हिडिओमध्ये महिलेने उत्तर प्रदेशच्या मुख्यमंत्री योगी आदित्यनाथ यांच्याकडे तिच्या पतीवर कठोर कारवाई करण्याची विनंती केली आहे.दुसरीकडे, या प्रकरणी गावातील लोकांचे म्हणणे आहे की, पती-पत्नीमध्ये नेहमी वाद होत राहायचे. त्यामुळे महिलेने पतीवर गंभीर आरोप केले आहेत. पीडित महिलेने पीएम मोदी आणि सीएम योगी यांच्याकडे न्याय मागितला असून आरोपी पतीवर कारवाई करण्याची मागणी केली आहे. महिलेने एसएसपींना तक्रार पत्रही दिले आहे. तपासानंतर कारवाई केली जाईल, असे एसएसपी म्हणाले.एएसपी बुलंदशहर यांनी सांगितले की, एका महिलेची तक्रार आली आहे. याप्रकरणी तपास सुरू आहे. या प्रकरणात जो कोणी दोषी असेल, त्याच्यावर कठोर कारवाई केली जाईल. सध्या या प्रकरणाचा तपास सुरू आहे.