एलिमिनेटरमध्ये मुंबईचा मोठा गेम होणार, सामना न खेळताच संघ आऊट होणार; हार्दिकच्या चिंतेत वाढ.

आयपीएल 2025 चा एलिमिनेटर सामना शुभमन गिलच्या नेतृत्वाखालील गुजरात टायटन्स आणि हार्दिक पंड्याच्या नेतृत्वाखालील मुंबई इंडियन्स यांच्यात होणार आहे. हा सामना जिंकणारा संघ क्वालिफायर-2 मध्ये खेळेल तर पराभूत संघ स्पर्धेतून बाहेर पडेल. एलिमिनेटर सामना मोहालीच्या मुल्लानपूर स्टेडियम (न्यू पीसीए स्टेडियम) येथे खेळला जाईल आणि त्यात पावसाची शक्यता आहे.आयपीएल 2025 चा एलिमिनेटर सामना शुभमन गिलच्या नेतृत्वाखालील गुजरात टायटन्स आणि हार्दिक पंड्याच्या नेतृत्वाखालील मुंबई इंडियन्स यांच्यात होणार आहे. हा सामना जिंकणारा संघ क्वालिफायर-2 मध्ये खेळेल तर पराभूत संघ स्पर्धेतून बाहेर पडेल. एलिमिनेटर सामना मोहालीच्या मुल्लानपूर स्टेडियम (न्यू पीसीए स्टेडियम) येथे खेळला जाईल आणि त्यात पावसाची शक्यता आहे.गुजरात टायटन्स सुरुवातीपासूनच नंबर-2 चा प्रबळ दावेदार होता, परंतु गेल्या 2 सामन्यांमधील पराभवाने तो खराब केला. सुरुवातीच्या पराभवानंतर, मुंबई इंडियन्स देखील विजयाच्या रथावर स्वार होता, परंतु लीग टप्प्यातील शेवटच्या 3 सामन्यांपैकी 2 सामन्यांमध्ये पराभव पत्करल्यानंतर, हार्दिक पंड्या आणि संघाला चौथ्या स्थानावर समाधान मानावे लागले.

आता या दोन्ही संघांना विजेतेपद जिंकण्यासाठी सलग 3 सामने जिंकावे लागतील.एलिमिनेटर सामना जिंकणारा संघ क्वालिफायर-2 मध्ये जाईल आणि पराभूत संघ बाहेर पडेल हे स्पष्ट आहे, परंतु पावसामुळे सामना रद्द झाला तर काय होइल जाणून नियम जाणून घ्या. आयपीएल प्लेऑफ फॉरमॅटनुसार, टॉप 2 संघ क्वालिफायर-1 खेळतात, जिंकणारा संघ थेट अंतिम फेरीत पोहोचतो आणि पराभूत संघाला अंतिम फेरीत जाण्यासाठी क्वालिफायर-2 जिंकावे लागते. एलिमिनेटर सामना तिसऱ्या आणि चौथ्या क्रमांकाच्या संघादरम्यान खेळला जातो. गुजरात टायटन्स पॉइंट टेबलमध्ये तिसऱ्या स्थानावर आणि मुंबई इंडियन्स चौथ्या स्थानावर.30 मे रोजी मोहालीच्या मुल्लानपूर क्रिकेट स्टेडियमवर गुजरात आणि मुंबई यांच्यात एलिमिनेटर सामना खेळला जाईल. हा सामना संध्याकाळी 7:30 वाजेपासून खेळवला जाईल. या दिवशी मोहालीत पावसाची शक्यता आहे. दुपारी मुसळधार पाऊस पडू शकतो, सामन्यादरम्यानही पावसाचा अंदाज आहे.

गुजरात टायटन्स विरुद्ध मुंबई इंडियन्स एलिमिनेटर सामन्यासाठी राखीव दिवस नाही, म्हणजेच सामना एकाच दिवसात पूर्ण करावा. जर असे झाले नाही तर नियमानुसार पॉइंट टेबलमध्ये वरील संघाला फायदा मिळेल. म्हणजेच, या परिस्थितीत, मुंबई इंडियन्स चौथ्या स्थानावर राहिल्यामुळे बाहेर पडेल तर गुजरात टायटन्स तिसऱ्या स्थानावर राहिल्याने क्वालिफायर-2 मध्ये पोहोचेल.राखीव दिवस फक्त क्वालिफायर-2 आणि आयपीएल 2025 च्या प्लेऑफमधील अंतिम सामन्यासाठी ठेवण्यात आला आहे. या नियमानुसार, जर पावसामुळे त्या दिवशी सामना झाला नाही, तर सामना दुसऱ्या दिवशी जिथे थांबवण्यात आला होता तिथून खेळवला जाईल. दुसरा क्वालिफायर सामना 1 जून रोजी आणि अंतिम सामना 3 जून रोजी अहमदाबाद येथील नरेंद्र मोदी क्रिकेट स्टेडियमवर खेळवला जाईल.