रजिस्ट्रारच्या नावे काथ्याकूट; फेसबुकवर आक्षेपार्ह पोस्ट.

गंगापूर रोडवरील एका नामांकित शिक्षण संस्थेच्या महाविद्यालयातील रजिस्ट्रारच्या चारित्र्यावर संशयित यूजरने फेक अकाऊंटवरुन शिंतोडे उडवत तिची वैयक्तिक माहिती सोशल मीडियावर  व्हायरल केल्याची धक्कादायक घटना घडली आहे. विशेष म्हणजे या फेसबुक यूजरने अकाउंटला शिक्षण संस्थेचे नामसाधर्म्य वापरुन गेल्या सप्टेंबर २०२३ पासून शिक्षण संस्थेतील कारभारावर विविधांगी टीका केल्याचे समोर येत आहे. याबाबत सायबर पोलीस ठाण्यात गुन्हा नोंदविण्यात आला असून पोलिसांनी ‘मेटा’कडे पत्रप्रपंच सुरु केला आहे.४३ वर्षीय पीडिता गेल्या काही वर्षांपासून या संस्थेत रजिस्ट्रारपदी कार्यरत असून तिच्या फिर्यादीनुसार, अनोळखी संशयिताने सन २०२३ पासून फेसबुकवर  ‘मविप्रचे रामराज्य’ या नावे फेक अकाऊंट व यूआरएल बनवून अनेक पोस्ट व मजकूर अपलोड करुन सार्वत्रिक केला आहे. त्यात, पीडितेचे याच संस्थेतील वरिष्ठाशी अनैतिक संबंध असल्याचा दावा करुन तशा आशयाचा आक्षेपार्ह मजकूर अपलोड केला.

दरम्यान, आपल्याबाबत हिणकस व वैयक्तिक स्वरुपाची टीका होत असल्याचे कळताच तिने शुक्रवारी (दि.११) तत्काळ नाशिक शहर सायबर पोलीस ठाणे गातून फिर्याद नोंदविली.त्यानुसार, वरिष्ठ निरीक्षक सुभाष ढवळे यांच्या सूचनेने सहायक निरीक्षक धीरज गवारे यांनी मेटाकडून संबंधित अकाऊंटधारकाची तांत्रिक माहिती मागविली असून पत्रव्यवहार केला आहे. दरम्यान, संशयिताने (Suspected) या पोस्टसह संस्थेतील कारभार, गैरकारभार व इतर स्वरुपांच्या तक्रारींबाबत पोस्ट व मजकूर अपलोड केला असून या अकाऊंटला चार हजार ९९९ अनुसारक अॅड असल्याचे समजते. तसेच पीडितेबाबत २६ मार्च २०२५ रोजी पोस्ट अपलोड करण्यात आल्याचे समोर आले आहे.

पीडितेच्या चारित्र्यावर शिंतोडे उडवित तिचा विनयभंग केल्यासह महाविद्यालयातील साडेतीन हजार विद्यार्थी, त्यांचे पालक, संस्थेचे हितचिंतक व नाशिक जिल्ह्यासह महाराष्ट्रामध्ये तिच्या चारित्र्याबाबत संशय निर्माण केला. पीडितेची खासगी सॅलरी स्लिप विनापरवानगी प्रसारित केली. त्यामुळे फेक फेसबुक प्रोफाईल अकाउंटधारक व पोस्ट टाकणाऱ्यांविरुद्ध गुन्हा दाखल झाला आहे. रद्दीचोर शिक्षणाधिकाऱ्याने कॉलेजच्या सौंदर्यात जून २०२२ ते जानेवारी २०२५ पर्यंत ५५ हजार ते १ लाख ८१ हजारांपर्यंतची वाटचाल केली. ३० महिन्यांच्या कालावधीत १ लाख २७ हजार रुपयांची घसघशीत वाढ .प्रत्येक महिन्याला रु. ४ हजार २५० रुपयांची गुलाबी वाढ. संस्थेच्या कोणत्या ठरावानुसार ही वाढ झाली?. अधिकाऱ्यांनी कोणत्या निकषानुसार पगारवाढ केली? असे कोणते लक्षवेधक काम या रजिस्ट्रारांनी केले? संस्थेच्या १११ वर्षांत नॉन टीचिंग कर्मचाऱ्याला एवढी पगारवाढ देणे एक गिनीज बुक ऑफ वर्ल्ड रेकॉर्ड आहे.

  • Related Posts

    रस्त्यांच्या साईट पट्ट्या लवकर कराव्या, मनसे उपशराध्यक्ष मेंगडे यांची मागणी.

    सावखेडा ते पिंप्राळा कॉंक्रिटीकरण रस्त्याचे काम प्रगतीपथावर असून या रस्त्यावरील साईट पट्ट्या भरलेल्या नसल्यामुळे वाहनधारकाची अडचण निर्माण झाली आहे.   तसेच शंभर मीटर एरियामध्ये सोनी नगर नवीन बांधलेल्या पुलापासून सरकारमान्य…

    दहशतवादी हल्ल्यापूर्वी पहलगाममध्ये काय करत होती ज्योती मल्होत्रा, आयएसआय एजंटशी थेट संबंध?

    युट्युबर ज्योती मल्होत्राला अटक झाली आहे. तिच्यावर पाकिस्तानसाठी हेरगिरी केल्याचा आरोप आहे. ज्योतीचे पाकिस्तानमधील काही फोटो व्हायरल झाले आहेत. ती पाकिस्तानी अधिकाऱ्यांच्या पार्टीत सहभागी झाली होती. ज्योती आयएसआय एजंट दानिशच्या…

    Leave a Reply

    Your email address will not be published. Required fields are marked *

    You Missed

    रस्त्यांच्या साईट पट्ट्या लवकर कराव्या, मनसे उपशराध्यक्ष मेंगडे यांची मागणी.

    रस्त्यांच्या साईट पट्ट्या लवकर कराव्या, मनसे उपशराध्यक्ष मेंगडे यांची मागणी.

    दहशतवादी हल्ल्यापूर्वी पहलगाममध्ये काय करत होती ज्योती मल्होत्रा, आयएसआय एजंटशी थेट संबंध?

    दहशतवादी हल्ल्यापूर्वी पहलगाममध्ये काय करत होती ज्योती मल्होत्रा, आयएसआय एजंटशी थेट संबंध?

    अवकाळी पावसात भुईमूग वाहून गेला, महाराष्ट्रातील शेतकऱ्याला थेट केंद्रीय कृषीमंत्र्यांचा कॉल, मदतीचं आश्वासन देत धीर दिला.

    अवकाळी पावसात भुईमूग वाहून गेला, महाराष्ट्रातील शेतकऱ्याला थेट केंद्रीय कृषीमंत्र्यांचा कॉल, मदतीचं आश्वासन देत धीर दिला.

    ‘मगरीसारखे अश्रू…’ कर्नल सोफियांवर बेताल विधान करणाऱ्या नेत्याचीही माफीही अमान्य; सुप्रीम कोर्टाने काय आदेश दिले?

    ‘मगरीसारखे अश्रू…’ कर्नल सोफियांवर बेताल विधान करणाऱ्या नेत्याचीही माफीही अमान्य; सुप्रीम कोर्टाने काय आदेश दिले?