हॉट एअर बलूनची दोरी तुटली; कामगार 100 फुटांवरुन कोसळला; भयंकर दुर्घटनेत करुण अंत.

जिल्ह्याच्या स्थापना दिवसानिमित्त आयोजित समारंभात मोठी दुर्घटना घडली. हॉट एअर बलून शो सुरु असताना एका कर्मचाऱ्याचा मृत्यू झाला. वासुदेव खत्री असं मृत कर्मचाऱ्याचं नाव आहे.जिल्ह्याच्या स्थापना दिवसानिमित्त आयोजित समारंभात मोठी दुर्घटना घडली. हॉट एअर बलून शो सुरु असताना एका कर्मचाऱ्याचा मृत्यू झाला. वासुदेव खत्री असं मृत कर्मचाऱ्याचं नाव आहे. 40 वर्षीय वासुदेव खत्री बलून कंपनीत ऑपरेटर म्हणून कार्यरत होते. खत्री यांच्या मृत्यूनं समारंभाला गालबोट लागलं. सगळ्यांच्या आनंदावर विरजण पडलं. संपूर्ण समारंभावर शोककळा पसरली.
बारां जिल्ह्याच्या स्थापनेनिमित्त क्रीडा संकुलात हॉट एअर बलून शोचं आयोजन करण्यात आलं होतं. या कार्यक्रमाला अटरु बारांचे मतदारसंघाचे आमदार आणि भाजप नेते आनंद गर्ग उपस्थित होते.

दुर्घटना घडली त्यावेळी हॉट एअर बलूनमध्ये शाळकरी मुलं चढणार होती. हॉट एअर बलून कंपनीचे संचालक विक्रांत सागर शोवेळी उपस्थित होते. तेच बलून टेस्टिंग करत होते. या प्रकरणी पोलिसांनी सागर यांच्याविरोधात गुन्हा नोंदवला आहे. सुरक्षेच्या दृष्टीकोनातून झालेल्या चुकीमुळे ही घटना घडल्याचं प्राथमिक तपासातून समोर आलं आहे.टेस्टिंग सुरु असताना वासुदेव खत्री जमिनीवर उभे होते. तितक्यात बलून अचानक उडू लागला. बलूनला असलेल्या दोरीचं टोक खत्री यांच्या हातात होतं. बलून वर जाताच खत्रीदेखील वर ओढले गेले. पुढच्या काही क्षणांत ते 100 फूट उंचीवर पोहोचले. त्यानंतर दोरी तुटली आणि वासुदेव खत्री खाली कोसळले. त्यांना रुग्णालयात दाखल करण्यात आलं. डॉक्टरांनी त्यांना मृत घोषित केलं.अपघात घडण्याआधी हॉट एअर बलूनच्या २ फेऱ्या झाल्या होत्या. त्यातील एका फेरीत स्थानिक आमदारांनी त्यांच्या साथीदारांसह उड्डाण केलं होतं. तिसऱ्या फेरीआधी कर्मचारी ट्रायल घेत होते. तिसऱ्या फेरीत शाळकरी मुलं जाणार होती. मात्र ट्रायल सुरु असताना हवेचा दाब अचानक वाढला. त्यामुळे दोरी तुटली आणि खत्री यांचा जीव गेला.या दुर्घटनेनंतर भाजपचे तरुण नेते प्रशांत विजयवर्गीय यांनी प्रशासनावर जोरदार टीका केली आहे. जिल्ह्याच्या स्थापना दिवशी अशा धोकादायक आयोजनाची गरज होती का, असा सवाल त्यांनी उपस्थित केला. या प्रकारानंतर प्रशासनानं नैतिकतेच्या आधारावर सगळे कार्यक्रम रद्द करण्याची मागणी केली. खत्री यांच्या मृत्यूसाठी कारणीभूत असलेल्यांवर कारवाई करण्याची मागणी त्यांनी केली.

  • Related Posts

    दिनांक १२.५.२०२५ रोजी बुध्द पौर्णिमा निमित्ताने निसर्ग अनुभवाच्या माध्यमातून यावल वनविभागा कडन एकुण ३९ मचान , यावल वनविभागा मार्फत तयार करण्यात आलेले आहेत.

    दिनांक १२.५.२०२५ रोजी बुध्द पौर्णिमा निमित्त यावल वनविभागाचे उप वनसंरक्षक जमीर शेख, व सहाय्यक वनसंरक्षक चोपडा प्रथमेश हाडपे यांच्या संकल्पनेतून यावल वनविभागातील चोपडा वनक्षेत्र पासुन ते रावेर वनक्षेत्र पर्यंत ठिकठिकाणी…

    भारतीय सैन्यात अधिकारी होण्यासाठी विद्यार्थ्यांना सुवर्णसंधी — TGC-142 कोर्ससाठी अर्ज सुरू.

    भारतीय सैन्यात अधिकारी होण्यासाठी विद्यार्थ्यांना सुवर्णसंधी — TGC-142 कोर्ससाठी अर्ज सुरू.भारतीय सैन्यात अधिकारी होण्याची इच्छा असलेल्या तांत्रिक शाखेतील पदवीधर विद्यार्थ्यांसाठी ही एक महत्वाची संधी आहे. भारतीय सैन्याने टेक्निकल ग्रॅज्युएट कोर्स…

    Leave a Reply

    Your email address will not be published. Required fields are marked *

    You Missed

    दिनांक १२.५.२०२५ रोजी बुध्द पौर्णिमा निमित्ताने निसर्ग अनुभवाच्या माध्यमातून यावल वनविभागा कडन एकुण ३९ मचान , यावल वनविभागा मार्फत तयार करण्यात आलेले आहेत.

    दिनांक १२.५.२०२५ रोजी बुध्द पौर्णिमा निमित्ताने निसर्ग अनुभवाच्या माध्यमातून यावल वनविभागा कडन एकुण ३९ मचान , यावल वनविभागा मार्फत तयार करण्यात आलेले आहेत.

    भारतीय सैन्यात अधिकारी होण्यासाठी विद्यार्थ्यांना सुवर्णसंधी — TGC-142 कोर्ससाठी अर्ज सुरू.

    भारतीय सैन्यात अधिकारी होण्यासाठी विद्यार्थ्यांना सुवर्णसंधी — TGC-142 कोर्ससाठी अर्ज सुरू.

    शिवछत्रपती पुरस्कारप्राप्त गणपतदादा पोळ यांचे खेळाडूंना मार्गदर्शन व गणवेश वाटप.

    शिवछत्रपती पुरस्कारप्राप्त गणपतदादा पोळ यांचे खेळाडूंना मार्गदर्शन व गणवेश वाटप.

    शहीद जवान राकेश शिंदे यांच्या मातेस मांडवेदिगर येथे २ हेक्टर शेतीयोग्य जमीन प्रदान.

    शहीद जवान राकेश शिंदे यांच्या मातेस मांडवेदिगर येथे २ हेक्टर शेतीयोग्य जमीन प्रदान.