नाशिकातील सप्तश्रृंगी गडावर भाविकांच्या प्रचंड गर्दीमुळे चेंगराचेंगरीची परिस्थिती निर्माण झाली. गुरुवारी पहाटे अचानक भाविकांची गर्दी वाढल्याने चेंगराचेंगरी सदृश्य परिस्थिती उद्भवल्याचं पाहायला मिळालं.नाशिकातील सप्तश्रृंगी गडावर भाविकांच्या प्रचंड गर्दीमुळे चेंगराचेंगरीची परिस्थिती निर्माण झाल्याची माहिती आहे. चैत्रोत्सवानिमित्ताने Saptshrungi Deviचं दर्शन घेण्यासाठी गटावर भाविकांची अलोट गर्दी उसळली होती. गर्दीचं नियोजन चुकलं आणि त्यामुळे पहिल्या पायरीजवळ चेंगराचेंगरीची परिस्थिती उद्भवली. यादरम्यान गर्दी सांभाळण्यासाठी प्रशासन आणि पोलिसांची मोठी तारांबळ उडाल्याचं दिसून आलं.चैत्रोत्सवानिमित्त सप्तश्रृंगीगडावर देवीच्या दर्शनासाठी बुधवारी रात्रीपासूनच भाविकांची मोठी गर्दी उसळली. अचानक गर्दी वाढल्याने पहिल्या पायरीजवळ चेंगराचेंगरीची परिस्थिती निर्माण झाली. या गर्दीमुळे पोलीस, आपत्ती व्यवस्थापन आणि मंदिर प्रशासनाची चांगलीच धावपळ झाली.

या चेंगराचेंगरीचे काही व्हिडिओही समोर आले आहेत. ज्यामध्ये भाविकांची मोठी गर्दी दिसत आहेत. कशाप्रकारे गर्दीमध्ये भाविकांना मोठ्या गैरसोयीचा सामना करावा लागत आहे. मंदिर प्रशासनाचा हा नियोजनशून्य कारभार पाहून भाविकांमध्ये संतापाची लाट उसळली आहे.बुधवारी रात्रीपासूनच सप्तश्रृंगीगडावर भाविकांचे लोंढेच्या लोंढे पोहोचले. गुरुवार पहाटे पाच वाजेनंतर भाविकांच्या संख्येत अचानक मोठी वाढ झाली. त्यामुळे मंदिर प्रशासनावर ताण निर्माण झाला. भाविकांचं दर्शन सुरळीत पार पाडण्यासाठी पायऱ्यांवर ठिकठिकाणी बॅरिकेड्स लावण्यात आले होते. मात्र, गर्दी प्रचंड वाढल्याने काही ठिकाणचे बॅरिकेड्स तुटले आणि ही चेंगराचेंगरीची परिस्थिती निर्माण झाली. यामध्ये लहान मुलं, महिला आणि वृद्ध भाविकांना मोठा त्रास सहन करावा लागला. यामुळे भाविकांनी मंदिर प्रशासनाच्या नियोजनावर नाराजी व्यक्त केली आहे.मंदिराच्या गाभाऱ्यापासून ते पाटील चौक दवाखाना आणि वेटिंग हॉलपर्यंत बाऱ्यांचे जाळे उभे करण्यात आले होते. पण, वेटिंग हॉलखाली एकही पोलीस कर्मचारी नसल्याने तिथे भाविकांची गर्दी जमली आणि चेंगराचेंगरीची परिस्थिती उद्भवली. हे बॅरिकेड्स जुनी आणि मोडकळीस आल्याने गर्दीच्या प्रेशरने त्या तुटल्या. त्यामुळे भाविकांची मोठी गैरसोय झाली. गर्दी होणार आहे हे माहित असतानाही मंदिर प्रशासन आणि पोलिसांनी त्यासाठी काहीही तयारी केली नसल्याची भावना भाविकांनी व्यक्त केली.
भवानी चौकात लावलेल्या बॅरिकेड्समुळे परिसरातील व्यवसायिकांचे व्यापार ठप्प पडले. बॅरिकेड्समुळे ग्राहक दुकानांपर्यंत पोहोचू शकले नसल्याने व्यावसायिकांनी नाराजी व्यक्त केली.