Rajendra Nikam
खान्देशात आजपासुन कानबाई उत्सवाला सुरुवात.
भडगांव / पाचोरा तालुका प्रतिनीधी : यशकुमार पाटील
भडगांव : खान्देशातील प्रसिध्द असलेला कानबाई माता उत्सव हा दरवर्षी श्रावण महिण्यात मोठ्या भक्तिभावाने साजारा केला जातो. खान्देशात कानबाई उत्सव रोट म्हणुन प्रसिध्द आहे. हा कानबाई उत्सव या वर्षी १० ऑगस्ट पासुन सुरुवात होत असुन हा उत्सव तीन दिवस साजरा करण्यात येतो. श्रावण पंचमी अर्थात नागपंचमी नंतर येणारा पहिल्या शनिवारी भाजी भाकरीचे रोट, रविवारी कानबाई मातेची विधिवत स्थापना चौरंग पाटावर, कळस, नारळ, खण तसेच इतर पूजा साहित्य ठेवून चारही बाजूने केळीचे खांब व रांगोळी काढून रंगेबीरंगी लाईट, समई लाऊन सुशोभीकरण करण्यात येते. भाऊबंदकी व कुळातील व्यक्ती सपत्नीक पूजा करून पुरणपोळीच्या नैवेद्य दाखवला जातो. हा प्रसाद घेण्यासाठी भाऊबंदकी तसेच बाहेरगावी राहणारे सुध्दा मुळ गावी येतात. रात्रीच्या वेळी जागरण केले जाते महिलांकडुन गीते, ओव्या, भजन, गौळण तसेच पुरुष मंडळी देखील पारंपारीक वह्या, कानबाई मातेची गाणी म्हणतात. मनोरत पुर्ण होण्यासाठी विविध प्रकारचे मागणे माघुन नवसाची पुर्तता महिला वर्गाकडून होताना दिसते. तसेच सोमवारी वाजत गाजत मिरवणूक काढून कानबाईचे नदीपात्रावर विसर्जन करण्यात येते.
