हिवरखेड-तेल्हारा राज्यमार्गावर भीषण अपघात! लग्नाहून परतणाऱ्या वऱ्हाड्यांची कार पलटी

अकोला जिल्ह्यातील तेल्हारा तालुक्यातील हिवरखेड-तेल्हारा राज्य मार्गावर भीषण अपघात घडला आहे. लग्नाहून परतणाऱ्या वऱ्हाड्यांची कार पलटून भीषण अपघात घडला आहे. अकोला जिल्ह्यातील तेल्हारा तालुक्यातील हिवरखेड-तेल्हारा राज्य मार्गावर भीषण अपघात घडला आहे. हिवरखेड ते गोर्धादरम्यान पंचमुखी हनुमान मंदिराजवळ लग्नाहून परतणाऱ्या वऱ्हाड्यांची कार पलटून भीषण अपघात घडला आहे. सदर कारमध्ये माटरगाव येथील कुटुंब आणि अन्य ५ जण असल्याची माहिती मिळत आहे. या अपघातात एकाचा दुर्दैवी मृत्यू झाला आहे. तर अन्य चार जण गंभीर जखमी झाले आहे. यामधील दोघांची प्रकृती चिंताजनक असल्याची माहिती आहे.

घटनेची माहिती मिळताच हिवरखेड ठाणेदार गजानन राठोडांसह पोलिसांचा ताफा घटनास्थळी दाखल झाला. जखमींना उपचारासाठी आधी तेल्हारा येथील रुग्णालयात दाखल करण्यात आले आणि नंतर अकोला येथील रुग्णालयात हलवण्यात आले.कार चालकाचे नाव शेख हुसेन आहे. एकूण ५ जखमींपैकी एक व्यक्ती दगावला असल्याची माहिती पोलिसांनी दिली. अपघाताचे नेमके कारण अद्याप कळू शकलेले नाही. शेख हुसेन हे हिवरखेड येथे एका लग्न समारंभाहून परतत असताना हा भीषण अपघात घडला. हा अपघात इतका भीषण होता की कारचे चारही चाके वरच्या दिशेने पलटून प्रवासी त्याखाली दबले गेले होते.